Gopichand has to beat.. 'Bheema' trailer time fix!
Bheema: హీరో గోపీచంద్‌కి సాలిడ్ హిట్ పడి చాలా కాలం అవుతోంది. ఈసారి ఎలాగైనా సరే.. సక్సెస్ ట్రాక్ ఎక్కాలని యూనిక్ యాక్షన్ ఎంటర్‌టైనర్ ‘భీమా’తో ఆడియెన్స్ ముందుకు రాబోతున్నాడు. ఈ యాక్షన్ డ్రామాకు ప్రముఖ కన్నడ ఫిల్మ్ మేకర్ ఎ. హర్ష దర్శకత్వం వహిస్తున్నాడు. మార్చి 8న భీమా థియేటర్లలోకి గ్రాండ్‌గా రిలీజ్ కానుంది. ఈ సినిమాలో పవర్ ఫుల్ పోలీస్ ఆఫీసర్‌గా కనిపించనున్నాడు గోపీచంద్. ఇప్పటికే టీజర్‌తో మంచి బజ్ క్రియేట్ చేసింది భీమా. ప్రస్తుతం ఈ సినిమా ప్రమోషన్స్ స్పీడప్ చేశారు మేకర్స్. రీసెంట్‌గా గోపీచంద్, మాళవిక శర్మల అందమైన కెమిస్ట్రీని చూపిస్తూ విడుదలైన ఫస్ట్ సింగిల్ చార్ట్‌బస్టర్‌గా నిలిచింది.
చదవండి:Varun tej : దేశ భక్తి తో జవాన్ లకు ఇస్తున్న ట్రిబ్యూట్ మా సినిమా : వరుణ్ తేజ్
అలాగే సినిమాలో గోపీచంద్ క్యారెక్టర్‌ను చెబుతూ.. సెకండ్ సింగిల్ గల్లీ సౌండుల్లో పాటని విడుదల చేయగా అదిరిపోయే మాసివ్ రెస్పాన్స్ వచ్చింది. ఇక ఇప్పుడు రిలీజ్ టైం దగ్గర పడుతుండడంతో.. థియేట్రికల్ ట్రైలర్‌ను విడుదల చేయడానికి రెడీ అవుతున్నారు. ఫిబ్రవరి 24న సాయంత్రం 4 గంటలకు ట్రైలర్ విడుదల కానుందని ప్రకటించారు మేకర్స్. ఈ ట్రైలర్ రిలీజ్ అయిన తర్వాత భీమా పై అంచనాలు పెరగడం గ్యారెంటీ అనే నమ్మకంతో ఉన్నారు మూవీ మేకర్స్. ఈ చిత్రంలో మాళవిక శర్మతో పాటు ప్రియా భవానీ శంకర్‌ కూడా మరో హీరోయిన్‌గా నటిస్తోంది. శ్రీ సత్యసాయి ఆర్ట్స్ బ్యానర్‌పై కెకె రాధామోహన్ ఈ చిత్రాన్ని నిర్మిస్తున్నారు. రవి బస్రూర్ మ్యూజిక్ అందిస్తున్నాడు. మరి భీమాతో గోపిచంద్ హిట్ కొడుతాడేమో చూడాలి.
చదవండి:Bramayugam Movie Review: మమ్మట్టి వన్ మ్యాన్ షో
