న్యాచురల్ స్టార్ నాని ‘దసరా’ టైం దగ్గర పడుతోంది.. మార్చి 30న దసరా థియేటర్లోకి రాబోతోంది. దీంతో నాలుగైదు రోజుల ముందే.. ఈ సినిమాకు అడ్వాన్స్‌డ్ బుకింగ్స్ ఓపెన్ అయ్యాయి. తెలుగు స్టేట్స్‌లో బుకింగ్స్ ఓపెన్ అయ్యినట్టుగా కన్ఫర్మ్ చేశారు మేకర్స్. దీంతో దసరా బుకింగ్స్ భారీగా జరుగుతోంది. కానీ సెన్సార్ బోర్డ్ మాత్రం నానికి షాక్ ఇచ్చినట్టు తెలుస్తోంది. సింగరేణి బ్యాక్ డ్రాప్‌లో.. ఊరమాస్‌గా తెరకెక్కింది దసరా మూవీ. దీంతో అక్కడక్కడా కొన్ని అన్‌సెన్సార్ డైలాగ్స్ పెట్టారట. తెలంగాణ యాసలో కొన్ని డైలాగ్స్‌ని ఇప్పటికే ట్రైలర్‌లో చూశాం. సినిమాలో అలాంటివి చాలానే ఉన్నాయట. దాంతో సెన్సార్ వారు కొన్ని బూతు పదాలకు భారీగా కట్ పెట్టినట్టు తెలుస్తోంది. మొత్తంగా 36 కట్స్ చెప్పినట్లు సమాచారం. లేదంటే ‘ఏ’ సర్టిఫికెట్ ఇస్తామన్నారట. కానీ యూ/ఏ సర్టిఫికెట్ కావాలంటే.. కొన్ని డైలాగ్స్ మ్యూట్ చేయడంతో పాటు, కొన్ని షాట్స్ కట్ చేయాలని సూచించారట. మొత్తంగా ఇంటర్వెల్‌కి ముందు 20 కట్స్, తర్వాత 16 కట్స్ చెయ్యాలని.. సెన్సార్ బోర్డు వారు చెప్పినట్టు ప్రచారం జరుగుతోంది. అయితే.. సెన్సార్ కట్ ఒకటో రెండో అంటే ఓకే గానీ.. ఏకంగా అన్ని కట్స్‌కు మ్యూట్ అనేసరికి.. చిత్ర యూనిట్ కాస్త డిసప్పాయింట్ అయినట్టు తెలుస్తోంది. కానీ సెన్సార్ కట్ ప్రకారం.. దసరా సినిమా ఎంత రా అండ్ రస్టిక్‌గా తెరకెక్కిందో అర్ధం చేసుకోవచ్చు. నాని నటిస్తున్న ఫస్ట్ పాన్ ఇండియా ఫిల్మ్ ఇదే. ఇప్పటికే ప్రమోషన్స్‌తో దూసుకుపోతున్నాడు నాని. మార్చి 26న అనంతపూర్‌లో గ్రాండ్‌గా ప్రీ రిలీజ్ ఈవెంట్ నిర్వహించబోతున్నారు. మరి దసరా మూవీ నానికి పాన్ ఇండియా స్టార్‌డమ్ తెచ్చిపెడుతుందేమో చూడాలి.
