Daniel Balaji: సినీ పరిశ్రమంలో విషాదం చోటుచేసుకుంది. ప్రముఖ తమిళ నటుడు డేనియల్ బాలాజీ గుండెపోటుతో కన్నుమూశారు. నిన్న రాత్రి ఛాతీలో నొప్పి కారణంగా ఆయన చనిపోయారు. ఛాతీలో నొప్పి వచ్చిన వెంటనే ఆయన కుటుంబ సభ్యులు చెన్నైలోని ఓ ప్రైవేట్ ఆసుపత్రికి తరలించారు. కానీ ఫలితం లేకపోయింది. అప్పటికే ఆయన మృతి చెందినట్లు డాక్టర్లు తెలిపారు. తెలుగులో టక్ జగదీష్, ఘర్షణతో పాటు చాలా దక్షిణాది సినిమాల్లో నటించి తన నటనతో అందరినీ ఆకట్టుకున్నారు. టీవీ సిరియళ్ల ద్వారా డేనియల్ కెరీర్‌ను ప్రారంభించారు. తర్వాత చిట్టితో మంచి గుర్తింపు తెచ్చుకున్నారు. తెలుగు, మలయాళంతో పాటు దాదాపు 40 సినిమాల్లో నటించారు. ఆయన మృతి పట్ల సినీ ప్రముఖులు సంతాపం వ్యక్తం చేస్తున్నారు.
ఇది కూడా చూడండి: Horoscope Today: నేటి రాశిఫలాలు(2024 March 30th).. బంధుమిత్రులతో వైరం
