పవర్ స్టార్ పవన్ కళ్యాణ్ లేటెస్ట్ ఫిల్మ్ ‘హరిహర వీరమల్లు’ పై ఎన్నో పుకార్లు షికార్లు చేసిన సంగతి తెలిసిందే. ఈ ప్రాజెక్ట్ పై పవన్ సంతృప్తిగా లేరని.. మేకర్స్ తప్పుకున్నారని.. ఒకానొక సందర్భంలో ఏకంగా ప్రాజెక్ట్ ఆగిపోయిందని ప్రచారం జరిగింది. కానీ ఒకే ఒక్క వీడియోతో ఇలాంటి వార్తలన్నింటికి ఫుల్ స్టాప్ పెట్టేశాడు దర్శకుడు క్రిష్. పవర్ స్టార్ బర్త్ డే కానుకగా రిలీజ్ అయిన ‘హరిహర వీరమల్లు’ పవర్ గ్లాన్స్.. పవర్ స్టార్ ఫ్యాన్స్‌లో ఫుల్ జోష్ నింపింది. మొత్తంగా ఈ వీడియెకి సాలిడ్ రెస్పాన్స్ వస్తోంది. అన్ని భాషల్లో కలిపి 24 గంటల్లో 10 మిలియన్ వ్యూస్ రాబట్టింది పవర్ గ్లాన్స్. దీంతో పవన్ నుంచి వస్తున్న ఫస్ట్ పాన్ ఇండియా ఫిల్మ్ పై ఒక్కసారిగా అంచనాలు పెరిగిపోయాయి. ఈ నేపథ్యంలో.. గత కొంత కాలంగా డిలే అవుతు వస్తున్న షూటింగ్‌ను పరుగులు పెట్టించబోతున్నారట.
త్వరలోనే ఈ మూవీ తాజా షెడ్యూల్ ప్రారంభం కాబోతోందని తెలుస్తోంది. అంతేకాదు ఇప్పటి నుంచి వరుస అప్టేట్స్ ఉంటాయని టాక్. పవన్ కూడా ప్రస్తుతం ఈ సినిమా పైనే ఫుల్ ఫోకస్ పెట్టబోతున్నాడని సమాచారం. ఇదిలా ఉంటే.. ప్రస్తుతం బాలీవుడ్‌లో మన సినిమాలు దుమ్ముదులుపుతున్న సంగతి తెలిసిందే. తెలుగు నుంచి ఎలాంటి సినిమా వచ్చిన ఆసక్తికరంగా ఎదురు చూస్తున్నారు నార్త్ ఆడియెన్స్. దాంతో ఇప్పుడు ‘హరిహర వీరమల్లు’ పవర్ గ్లాన్స్ చూసి బాలీవుడ్‌లో భారీ హైప్ క్రియేట్ అవుతున్నట్టు తెలుస్తోంది. దాంతో అక్కడ ఈ సినిమాకు భారీగా డిమాండ్ పెరిగినట్టు తెలుస్తోంది. ఇప్పటికే భారీ ఆఫర్స్ వస్తున్నట్టు టాక్. దాంతో ఇప్పుడు బాలీవుడ్ ఆడియెన్స్‌తో పాటు మేకర్స్ దృష్టి హరిహర వీరమల్లు పై పడిందని చెప్పొచ్చు. ఇకపోతే పవన్ సరసన నిధి అగర్వాల్ హీరోయిన్‌గా నటిస్తున్న ఈ సినిమాను.. మెగా సూర్య ప్రొడక్షన్ బ్యానర్ పై.. స్టార్ ప్రొడ్యూసర్ ఏ.ఎం. రత్నం సమర్పణలో ఏ. దయాకర్ రావు అత్యంత భారీ స్థాయిలో నిర్మిస్తున్నారు.
