ప్రస్తుతం సెట్స్ పైకి వెళ్లేందుకు రెడీగా ఉన్న సినిమాల్లో.. పుష్ప2 పై భారీ అంచనాలున్నాయి. పుష్ప మూవీ సృష్టించిన సంచలనానికి.. సీక్వెల్‌ను ఊహకందని విధంగా డిజైన్ చేస్తున్నాడు సుకుమార్. ముఖ్యంగా బాలీవుడ్ టార్గెట్‌గా పుష్ప2ను ప్లాన్ చేస్తున్నాడు. అందుకే దాదాపు 350 కోట్ల భారీ బడ్జెట్ కేటాయించినట్టు టాక్. అలాగే అస్సలు ఛాన్స్ తీసుకోకుండా.. అన్ని విషయాల్లో ప్రత్యేక కేర్ తీసుకుంటున్నారు బన్నీ-సుక్కు. మొత్తంగా ముందుగా అనుకున్న కథతో పాటు ప్లాన్ మొత్తం మార్చేశారు. అలాగే బాలీవుడ్ స్టార్ క్యాస్టింగ్‌ను ఇందులో ఇన్వాల్వ్ చేయాలని చూస్తున్నాడు సుకుమార్. అందులోభాగంగా.. సెకండ్ పార్ట్‌లో ఏకంగా బాలీవుడ్ హీరోని రంగంలోకి దింపబోతున్నట్టు తెలుస్తోంది. బాలీవుడ్ యంగ్ హీరో అర్జున్ కపూర్‌ని ఓ కీలక పాత్ర కోసం పుష్ప టీమ్ సంప్రదిస్తున్నట్టుగా వార్తలు వినిపిస్తున్నాయి. పుష్ప2లో మళయాళ హీరో ఫహద్ ఫాజిల్‌తో పాటు.. అదే తరహాలో మరో పవర్ ఫుల్ పోలీస్ ఆఫీసర్ పాత్ర వుందట. దాని కోసం ముందుగా విజయ్ సేతుపతిని అనుకున్నారని ప్రచారం జరగగా.. ఇప్పుడు అర్జున్ కపూర్‌ని లైన్లోకి తీసుకున్నట్టు సమాచారం. అయితే ఆయన అందుకు ఓకే చెప్పాడా.. లేదా అనే విషయంలో క్లారిటీ లేదు. ప్రస్తుతం బాలీవుడ్ బడా స్టార్స్ తెలుగు సినిమాల్లో నటించేందుకు ఆసక్తిగా ఉన్నారు. ఒకవేళ నిజంగానే అర్జున్ కపూర్‌ని సుకుమార్ సంప్రదిస్తే మాత్రం.. ఓకే చెప్పే అవకాశాలు ఎక్కువగా ఉన్నాయి. మరి ఇలాంటి వార్తల్లో క్లారిటీ రావాలంటే.. ఇంకొన్ని రోజులు వెయిట్ చేయాల్సిందే.
