ఖిలాడి, రామారావు ఆన్ డ్యూటీ సినిమాలతో బ్యాక్ టు బ్యాక్ ఫ్లాప్స్ అందుకున్నాడు మాస్ మహారాజా రవితేజ. అయితే ధమాకా, వాల్తేరు వీరయ్య సినిమాలతో సాలిడ్ హిట్స్ అందుకొని.. బౌన్స్ బ్యాక్ అయ్యాడు. ఇదే జోష్‌లో రావణాసురతో నెగెటివ్ టచ్ ఇచ్చాడు. యంగ్ డైరెక్టర్ సుధీర్ వర్మ డైరెక్షన్లో తెరకెక్కిన రావణాసుర ఏప్రిల్ 7న ఆడియెన్స్ ముందుకొచ్చింది. అయితే ఈ సినిమా రిలీజ్ అయి ఐదు రోజులు కావొస్తున్నా.. అసలు థియేటర్లో ఉందా.. లేదా.. అనే డౌట్ రాక మానదు. అసలు మినిమమ్ బజ్ లేకుండా రావణాసుర రిలీజ్ అయింది. పబ్లిక్ టాక్ అలాగే ఉంది. డే వన్‌ నుంచే రావణాసుర నెగెటివ్ టాక్ సొంతం చేసుకుంది. ఇక కలెక్షన్ల అయితే.. దారుణాతి దారుణంగా ఉన్నాయని ట్రేడ్ వర్గాల మాట. 23 కోట్ల బ్రేక్ ఈవెన్ టార్గెట్‌గా బాక్సాఫీస్ బరిలోకి దిగిన రావణాసుర.. నాలుగు రోజుల్లో రెండు తెలుగు రాష్ట్రాలతో పాటు.. ప్రపంచవ్యాప్తంగా 10 కోట్లకు పైగా షేర్ వసూలు చేయగా 18 కోట్లకు పైగా గ్రాస్ వసూలు చేసినట్టు తెలుస్తోంది. దీంతో ఈ సినిమా హిట్ కావాలంటే ఇంకా 13 కోట్ల వరకు రాబట్టాల్సి ఉంటుంది. కానీ కష్టమే అంటున్నారు. ఎందుకంటే అంతకు ముందు వారం రిలీజ్ అయిన దసరా సినిమాకే.. రావణసుర కంటే ఎక్కువగా వసూళ్లు వస్తున్నట్టు చెబుతున్నారు. కాబట్టి రావణాసుర బాక్సాఫీస్ దగ్గర చేతులెత్తిసినట్టే. రవితేజ ఖాతాలోకి మరో డిజాస్టర్ మూవీ పడిపోయినట్టే. ఈ నేనథ్యంలో.. ఓ హీరోయిన్ ఫ్లాప్ సెంటిమెంట్ వల్లే రావణాసురకు దెబ్బ పడిందనే టాక్ నడుస్తోంది. ఈ సినిమాలో మొత్తం ఐదుగురు హీరోయిన్లు నటించారు. అనూ ఇమ్మానుయేల్, ఫరియా అబ్దుల్లా, దక్షా నగార్కర్, పూజిత పొన్నాడ, మేఘా ఆకాష్ కీ రోల్ ప్లే చేశారు. వీరిలో ఏ హీరోయిన్‌కు కూడా సరైన హిట్ ట్రాక్ లేదు. ముఖ్యంగా మేఘా ఆకాష్ వల్లే ఈ సినిమాకు పోయిందని అంటున్నారు. ఇప్పటి వరకు ఈ బ్యూటీ నటించిన సినిమాలేవి ఆడలేదు. ‘లై’, ‘చల్ మోహన్ రంగ’ వంటి సినిమాలతో పాటు చాలా సినిమాలు ప్లాప్ అయ్యాయి. కోలీవుడ్‌, బాలీవుడ్‌లోను ఇదే పరిస్థితి. తెలుగులో ‘రాజరాజ చోర’ తప్పితే ఒక్క హిట్ కూడా అందుకోలేదు. ఈ మధ్య కాలంలో వచ్చిన గుర్తుందా శీతాకాలం, ఇప్పుడు రావణాసుర కూడా ఎగిరిపోయింది. అందుకే.. మేఘా ఆకాష్ నటిస్తే.. ఆ సినిమాల సంగతి ఇక అంతే అంటున్నారు. అలాగే రవితే సొంత బ్యానర్ ఆర్‌టి టీమ్‌వర్క్స్ పై చేసిన సినిమాలకు కూడా హిట్ ట్రాక్ లేదు. ఇది కూడా ఓ కారణమే అంటున్నారు. ఏదేమైనా.. సరైన కంటెంట్ ఉండాలే గానీ.. ఇలాంటి సెంటిమెంట్స్‌ వల్లే సినిమా పోయిందనడం.. ఫ్యాన్స్ సమర్థించుకున్నట్టే.
