తెలుగు సినిమా పరిశ్రమలో ప్రతి పండుగ సీజన్ ఎంతో కీలకంగా భావిస్తారు. పండుగ కాకపోయినా ఆగష్టు 15న పబ్లిక్ హాలిడే కాబట్టి ఆరోజు రిలీజ్ లకు ప్రత్యేక క్రేజ్ ఉంటుంది. ఈ ఏడాది స్వాతంత్ర్య దినోత్సవం సందర్భంగా విడుదలైన ‘డబుల్ ఇస్మార్ట్’, ‘మిస్టర్ బచ్చన్’ సినిమాలు విడుదలయ్యాయి. కానీ, మొదటి వారంలోనే ఈ చిత్రాలు భారీ నిరాశకు గురి చేసాయి.
Read Also: Prabhas Kalki 2898 AD: OTT స్ట్రీమింగ్ డేట్ ఫిక్స్
‘డబుల్ ఇస్మార్ట్’ మొదటి రోజున సీక్వెల్ క్రేజ్ కొంత ఉపయోగించుకుని ఓపెనింగ్స్ రాబట్టింది. అయితే, ఆ తరువాతి రోజుల్లో ఈ సినిమా వసూళ్లలో డీలా కనిపించింది. ఇక రవి తేజ మిస్టర్ బచ్చన్ ప్రీమియర్స్ నుంచే నెగటివ్ టాక్ వచ్చింది. రవితేజ కెరీర్‌లో ఈ సినిమా ‘డిజాస్టర్’గా పేరొందుతున్నట్లుగా తెలుస్తోంది. సినిమా వసూళ్లు రోజురోజుకి తగ్గిపోతుండడం వల్ల, మొత్తం వసూళ్లలో భారీ లోటు సంభవించినట్టు విశ్లేషకులు చెబుతున్నారు.
Read Also: Stree 2 Boxoffice: చిన్న సినిమా… బాలీవుడ్ బాక్సాఫీస్ సునామి
అంతిమంగా, ‘మిస్టర్ బచ్చన్’ ప్రపంచవ్యాప్తంగా సింగిల్ డిజిట్ కలెక్షన్లతో ముగిసే అవకాశం ఉందని భావిస్తున్నారు. జరిగిన ప్రీ రిలీజ్ బిజినెస్ పరంగా చూస్తే ఈ చిత్రం రవితేజ కెరీర్‌లో ‘బిగ్గెస్ట్ డిజాస్టర్’గా ఉండే అవకాశాలే ఎక్కువగా కనిపిస్తున్నాయి. ఇప్పటికే విడుదలైన ఈ సినిమాలపై వస్తున్న విమర్శలు నష్టాలు అటు బయ్యర్లను ఇటు ప్రేక్షకులను నిరాశపరిచాయి. ఈ పరిస్థితులు పరిశ్రమలో మరిన్ని చర్చలు మొదలుపెట్టాయి. చిన్న సినిమాలుగా విడుదలైన గీతా ఆర్ట్స్ ఆయ్, నిహారిక కొణిదెల నిర్మాతగా వచ్చిన కమిటీ కుర్రోళ్ళు సినిమాలు మాత్రం లాభాల బాట పట్టాయి
