Balayya: ప్రస్తుతం ఉన్న సీనియర్ హీరోల్లో నందమూరి నటసింహం బాలకృష్ణ ఫుల్ జోష్‌లో ఉన్నాడు. అఖండ, వీరసింహారెడ్డి, భగవంత్ కేసరి సినిమాలతో హ్యాట్రిక్ హిట్స్ కొట్టి నందమూరి ఫ్యాన్స్‌కు కిక్ ఇచ్చాడు బాలయ్య. భగవంత్ కేసరి తర్వాత నెక్స్ట్ బాబీ డైరెక్షన్లో ఎన్బీకె 109 ప్రాజెక్ట్ చేస్తున్నాడు. ప్రస్తుతం బాలయ్య ఈ సినిమా షూటింగ్‌తో బిజీగా ఉన్నాడు. అయితే.. ఈ సినిమా షూటింగ్‌కు ఓ రెండు నెలలు బ్రేక్ ఇవ్వనున్నాడట బాలయ్య. ఏపి ఎలక్షన్స్ కోసం పాలిటిక్స్ పరంగా బిజీ కానున్నాడు. ఈలోపు ఎంతవరకు వీలైతే అంత వరకు షూటింగ్ కంప్లీట్ చేసేలా ప్లాన్ చేస్తున్నారు మూవీ మేకర్స్.
ఇది కూడా చూడండి: Devara: బిగ్ సర్‌ప్రైజ్.. ‘దేవర’ కొత్త రిలీజ్ డేట్ ఫిక్స్!
బాలయ్య పొలిటికల్ కోసం విరామం తీసుకొని రచ్చ చేయబోతుంటే.. సినిమాలో కూడా విరామం ముందు విధ్వంసం సృష్టిస్తున్నట్టుగా తెలుస్తోంది. లేటెస్ట్ ఎన్బీకె 109 హైదరాబాద్ షెడ్యూల్‌లో భారీ యాక్షన్ సీక్వెన్స్ షూట్ చేస్తున్నారట. ఈ ఎపిసోడ్ ఇంటర్వెల్ బ్యాంగ్ అని తెలుస్తోంది. మామూలుగానే బాలయ్య సినిమాలో ఇంటర్వెల్ బ్యాంగ్ పీక్స్‌లో ఉంటుంది. అలాంటిది.. బాలయ్యను బాబీ ఎలా చూపిస్తాడనేది ఎగ్జైటింగ్‌గా మారింది.
ఇది కూడా చూడండి: SSMB 29: వైరల్‌గా మారిన SSMB 29 టైటిల్.. ఏమన్నా పెట్టారా?
వాల్తేరు వీరయ్య ఇంటర్వెల్ బ్యాంగ్‌తో మెగా ఫ్యాన్స్‌కు పూనకాలు తెప్పించాడు బాబీ. ఇక ఇప్పుడు అంతకుమించి అనేలా నందమూరి ఫ్యాన్స్‌కు మాస్ ట్రీట్ ఇవ్వడానికి రెడీ అవుతున్నాడు. ఈ సినిమాలో బాలయ్యతో అనిమల్ విలన్ బాబి డియోల్ ఢీ కొడుతున్నాడు. దీంతో ఎన్బీకె 109 పై భారీ అంచనాలున్నాయి. మరి బాలయ్యతో బాబి ఎలాంటి సినిమా చేస్తున్నాడో చూడాలి.
