Another director for Harihara Veeramallu
పవర్ స్టార్ పాన్ ఇండియా ఎంట్రీ కోసం చాలా కాలంగా ఎదురు చూస్తున్నారు అభిమానులు. కానీ పవన్ పాన్ ఇండియా ఎంట్రీ మాత్రం రోజు రోజుకి డిలే అవుతునే ఉంది. పవన్ ఫస్ట్ పాన్ ఇండియా ప్రాజెక్ట్‌గా ‘హరిహర వీరమల్లు(Harihara Veeramallu)’ చాలా గ్రాండ్‌గా అనౌన్స్ అయింది. అదే స్పీడ్‌లో షూటింగ్ చేసి.. ఫస్ల్ లుక్, గ్లింప్స్ కూడా రిలీజ్ చేశాడు దర్శకుడు క్రిష్. కానీ ఆ తర్వతే అసలు కథ మొదలైంది. ఈ సినిమా షూటింగ్ స్టార్ట్ అయి రెండేళ్లు దాటిపోయింది. దీని తర్వాత పవన్ అనౌన్స్ చేసిన సినిమాలు రిలీజ్ కూడా అయిపోయాయి. కానీ హరిహర వీరమల్లు అడుగు మాత్రం ముందుకు పడడం లేదు. ఇప్పటికే సగానికి పైగా షూటింగ్ కంప్లీట్ చేసుకున్న ఈ సినిమాకు.. పవన్ పొలిటికల్ వ్వవహారల వల్ల బ్రేక్ పడింది. ఇప్పట్లో ఈ సినిమా మళ్లీ సెట్స్ పైకి వెళ్లడం కష్టమే అంటున్నారు.
అంతేకాదు.. ఏకంగా పవన్(pawan kalyan) ఈ సినిమాను పక్కకు పెట్టేసినట్టుగా పుకార్లు ఉన్నాయి. క్రిష్ కూడా మరో హీరోతో సినిమా ప్లాన్ చేస్తున్నాడనే టాక్ కూడా ఉంది. దీంతో పవన్ ఫ్యాన్స్ ఈ సినిమాను దాదాపుగా మరిచిపోయినట్టేనని చెప్పాలి. కానీ నిర్మాత ఏ.ఎం. రత్నం మాత్రం వచ్చే ఏపి ఎలక్షన్స్‌కు ముందే హరిహర వీరమల్లు రిలీజ్ ఉంటుందని చెబుతూ వస్తున్నాడు. అయితే ఎట్టకేలకు.. ఈ సినిమా కోసం ఏ.ఏం.రత్నం కొడుకు జ్యోతికృష్ణ రంగంలోకి దిగినట్టు తెలుస్తోంది.
ఇటీవలె కిరణ్ అబ్బవరం నటించిన ‘రూల్స్ రంజన్’ సినిమాను తెరకెక్కించాడు జ్యోతికృష్ణ(jyothi krishna). ఆ సినిమా ఫ్లాప్ అయింది. దీంతో ఇప్పుడు హరిహర వీరమల్లు పోస్ట్ ప్రొడక్షన్ వర్క్ పై ఫోకస్ చేసినట్టుగా తెలుస్తోంది. పోస్ట్ ప్రొడక్షన్ స్పీడప్ చేయడంతో పాటు.. బ్యాలన్స్ షూటింగ్‌కు సంబంధించిన ఖర్చులు, షెడ్యూల్స్, ఆర్టిస్టుల కాల్ షీట్స్‌కు సంబంధించిన వాటిపై రివ్యూ చేస్తున్నట్టుగా సమాచారం. పవన్ ఫ్యాన్స్‌కు ఇది గుడ్ న్యూసే అయినా.. షూటింగ్ ఎప్పుడనే విషయంలో మాత్రం క్లారిటీ లేదు. ఎన్నికల తర్వాతే పవన్ ఈ సినిమాకు డేట్స్ ఇచ్చే అవకాశం ఉందంటున్నారు. మరి హరిహర వీరమల్లు ఎప్పుడు కంప్లీట్ అవుతుందో చూడాలి.
ఇది కూడా చూడండి: Animal: అరాచకం..10 రోజుల కలెక్షన్స్ ఎంతంటే?
