ప్రస్తుతం రాజమౌళి రేంజ్‌ నెక్స్ట్ లెవల్‌కి మించి ఉంది. ఏ ముహుర్తాన ఆర్ఆర్ఆర్ మొదలు పెట్టడో గానీ.. హాలీవుడ్ మొత్తం అట్రాక్ట్ అయిపోయింది. ఇప్పటికే ఎన్నో అంతర్జాతీయ అవార్డులు సొంతం చేసుకున్న జక్కన్న.. నెక్స్ట్ ఆస్కార్ కొట్టేయడం ఖాయమని చెప్పేసింది గోల్డేన్ గ్లోబ్ అవార్డ్. పైగా అవతార్ డైరెక్టర్ జేమ్స్ కామెరూన్, స్టీవెన్ స్పీల్ బర్గ్ లాంటి ప్రపంచ దిగ్గజ దర్శకులు.. ఆర్ఆర్ఆర్ చిత్రానికి ఫిదా అవుతున్నారు. దాంతో యావత్ ప్రపంచం మొత్తం ఆర్ఆర్ఆర్ ఆస్కార్ మూమెంట్ కోసం ఆసక్తిగా ఎదురు చూస్తోంది. ఈ నేపథ్యంలో రాజమౌళి నెక్స్ట్ ప్రాజెక్ట్ పై ఎక్కడా లేని అంచనాలు పెరిగిపోతున్నాయి. ముఖ్యంగా జేమ్స్ కామెరూన్, స్టీవెన్ స్పీల్ బర్గ్.. రాజమౌళిని అభినందించడం మహేష్ ఫ్యాన్స్‌ను కిర్రెక్కిస్తోంది. అందుకే గత రెండు మూడు రోజులుగా SSMB29 హ్యాష్ ట్యాగ్‌ని ట్విట్టర్లో ట్రెండ్ చేస్తున్నారు. అసలే మహేష్ బాబు కటౌట్ హాలీవుడ్ హీరోల రేంజ్‌లో ఉంటుంది. అలాంటి మహేష్‌కు రాజమౌళి స్టైల్ ఆఫ్ హాలీవుడ్ మూవీ పడితే.. తట్టుకోవడం కష్టమని అంటున్నారు. ఇప్పటికే జక్కన్న.. మహేష్‌తో గ్లోబ్ ట్రాటింగ్ యాక్షన్ అడ్వెంచర్ మూవి చేస్తున్నట్టు ప్రకటించాడు. అది కూడా ఇండియానా జోన్స్ తరహాలో.. ప్రపంచం మొత్తం చుట్టేసే కథ అంటున్నారు. పైగా ఫ్రాంచైజ్ కూడా అంటున్నారు. ఇవన్నీ కూడా మహేష్ సినిమాపై అంచనాలను పీక్స్‌కు తీసుకెళ్లేలా ఉన్నాయి. దాంతో హైప్ మించేలా హైప్ పెరిగిపోతోంది. ఊహించకుండానే ఆర్ఆర్ఆర్‌కు హాలీవుడ్ ఫిదా అయిపోయింది. అలాంటిది మహేష్ మూవీకి ఇంకెలా ఉంటుందో ఊహించుకోవచ్చు. ప్రస్తుతం ఈ ప్రాజెక్ట్ స్క్రిప్ట్ వర్క్ జరుగుతోంది. ఈ ఇయర్‌లోనే SSMB 29 సెట్స్ పైకి వెళ్లనుంది. మరి మహేష్‌తో రాజమౌళి ఎలాంటి సాహసం చేస్తాడో చూడాలి.
