GDWL: గద్వాల మండలం జమ్మిచెడు గ్రామంలో వెలసిన నడిగడ్డ ఇలవేల్పు దైవం జమ్మిచేడు జమ్ములమ్మకు మంగళవారం విశేష పూజలు జరిగాయి. ఆలయ అర్చకులు అమ్మవారి విగ్రహాన్ని నదీ జలాలతో అభిషేకించి అర్చన, ఆకు పూజ,హోమం తదితర పూజా కార్యక్రమాలు నిర్వహించారు. అనంతరం భక్తులకు దర్శన భాగ్యం కల్పించి తీర్థ ప్రసాదాలు అందజేశారు.
AP: శ్రీవారి దర్శనం కోసం 2025 మార్చి నెల కోటా టికెట్లను రేపు TTD ఆన్‌లైన్‌లో విడుదల చేయనుంది. రేపు సుప్రభాతం, తోమాల, అష్టదళపాద పద్మారాధన ఆర్జిత సేవా టికెట్లు, 21న కల్యాణోత్సవం, ఆర్జిత బ్రహ్మోత్సవం టికెట్లు విడుదలవుతాయి. 23న అంగప్రదక్షిణం, శ్రీవాణి ట్రస్టు కోటా, వృద్ధులు, దివ్యాంగుల కోటా రీలీజ్ చేస్తారు. 24న రూ.300 టికెట్లు, అద్దె గదులు బుక్ చేసుకోవచ్చు. 27న శ్రీవారి సేవా కోటా టికెట్లు...
MDK: తూప్రాన్ పట్టణంలోని రేణుక ఎల్లమ్మ ఆలయంలో మంగళవారం రేణుక ఎల్లమ్మ జమదగ్ని మహర్షి కళ్యాణ మహోత్సవం నిర్వహిస్తున్నట్లు నిర్వాహకులు భూమన్నగారి నందంగౌడ్ తెలిపారు. దేవి ఉపాసకులు, సోమయాజుల రవీంద్ర శర్మ ఆధ్వర్యంలో వైదిక నిర్వహణలో ఉదయం 11:15 గంటలకు నిర్వహిస్తున్నట్లు వివరించారు. భక్తులు అధిక సంఖ్యలో హాజరై కళ్యాణ మహోత్సవంలో పాల్గొనాలని కోరారు.
JGL: కోరుట్ల పట్టణంలోని చెరువు కట్ట క్రింద గల అతిపురాతన గుంటి పెరుమాండ్ల స్వామి జాతర మహోత్సవం సోమవారం వైభవంగా నిర్వహించారు. ఉదయం విశ్వక్సెన ఆరాధన, పుణ్యాహ వాచనం, స్వామి మూల విరాట్టుకు ఆలయ అర్చకులు చింత సునీల్ స్వామి ఆధ్వర్యంలో పంచామృత అభిషేకాదులు జరిపారు. అనంతరం ఉత్సవ విగ్రహాలను రథం పై ఊరేగించారు.
శ్రీ క్రోధి నామ సంవత్సరం; దక్షిణాయణం; హేమంత రుతువు, మార్గశిరమాసం, బహుళపక్షం విదియ: మ. 12-12 తదుపరి తదియ; పునర్వసు: తె. 3-00 తదుపరి పుష్యమి; వర్జ్యం: మ. 3-01 నుంచి 4-37 వరకు; అమృత ఘడియలు: రా. 12-36 నుంచి 2-12 వరకు; దుర్ముహూర్తం: ఉ. 8-38 నుంచి 9-22 వరకు; తిరిగి రా. 10-37 నుంచి 11-29 వరకు రాహుకాలం: మ. 3-00 నుంచి 4-30 వరకు సూర్యోదయం: ఉ. 6.27; సూర్యాస్తమయం: సా.5.25
HYD: సికింద్రాబాద్ పరిధి సీతాఫల్మండీలో శ్రీదత్తాత్రేయ స్వామి జయంతి ఉత్సవ వేడుకలు అంగరంగ వైభవంగా సోమవారం నిర్వహించారు. వేడుకలకు భారీ సంఖ్యలో భక్తులు తరలిరాగా, ప్రత్యేక ఏర్పాట్లు సైతం చేశారు. స్వామివారిని స్మరించుకుంటూ, ఆధ్యాత్మిక జ్ఞానాన్ని సైతం పెంపొందించుకున్నట్లుగా భక్తులు తెలిపారు. అతిథులుగా బండారి చందర్ తదితరులు పాల్గొన్నారు.
MDK: చిన్నశంకరంపేట మండలంలోని జంగరాయిలో ముదిరాజ్ సంఘం ఆధ్వర్యంలో గంగమ్మ ఆలయ 4వ వార్షికోత్సవం వైభవంగా జరిగింది. సోమవారం హోమం నిర్వహించారు. ఈ కార్యక్రమంలో భక్తులు పెద్ద సంఖ్యలో పాల్గొని గంగమ్మ తల్లి మొక్కులు తీర్చుకున్నారు. అలాగే మంగళవారం బోనాలు, బుధవారం కళ్యాణం, అన్నదానం కార్యక్రమం జరుగుతుందని ఆలయ కమిటీ సభ్యులు తెలిపారు.
GDWL: అలంపూర్ క్షేత్రంలోని ఆలయాల్లో ధనుర్మాసం సందర్భంగా ఉదయం జరిగే మహా మంగళహారతి పూజల వేళలో మార్పు చేస్తున్నట్లు ఆలయ ఈవో పురేందర్ కుమార్ ఆదివారం తెలిపారు. నేటి నుండి ధనుర్మాసం ప్రారంభమై రాబోయే కొత్త సంవత్సరం జనవరి 14వ తేదీన ముగుస్తుందని పేర్కొన్నారు. శ్రీ జోగులాంబ అమ్మవారి ఆలయంలో ఉదయం మహా మంగళహారతి ప్రస్తుతం ఉదయం 6.30 గంటలకు ఉండగా 5.30 గంటలకు మార్చినట్లు తెలిపారు.
GDWL: జోగులాంబ ఆలయానికి భక్తులు పోటెత్తారు. ఆదివారం సెలవు రోజు కావడంతో భక్తులు భారీగా వచ్చారు. తెలుగు రాష్ట్రాలతో పాటు వివిధ రాష్ట్రాల నుంచి సైతం భక్తులు పెద్ద సంఖ్యలో తరలి వచ్చారు. అర్చకులు స్వామివారికి అభిషేకం, స్పర్శ దర్శనం పూజలు నిర్వహించారు. పౌర్ణమి సందర్భంగా యాగశాలలో భక్తులు చండీహోమం నిర్వహించారు. భక్తులు తుంగభద్ర నదిలో పుణ్యస్నానాలు ఆచరించి, అనంతరం మొక్కులు తీర్చుకున్నారు.
శ్రీ క్రోధి నామ సంవత్సరం; దక్షిణాయణం; హేమంత రుతువు, మార్గశిరమాసం, బహుళపక్షం పాడ్యమి: మ. 1-15 తదుపరి విదియ ఆర్ద్ర: తె. 3-00 తదుపరి పునర్వసు వర్జ్యం: ఉ. 11-42 నుంచి 1-16 వరకు అమృత ఘడియలు: సా. 5-12 నుంచి 6-46 వరకు దుర్ముహూర్తం: మ. 12-16 నుంచి 1-00 వరకు తిరిగి 2-28 నుంచి 3-12 వరకు రాహుకాలం: ఉ. 7-30 నుంచి 9-00 వరకు సూర్యోదయం: ఉ. 6.26; సూర్యాస్తమయం: సా.5.24 ధనుర్మాస […]
TG: బాసర శ్రీ జ్ఞాన సరస్వతి అమ్మవారి ఆలయానికి భక్తులు పోటెత్తారు. ఆదివారం గురు పౌర్ణమి శ్రీ దత్తాత్రేయ జయంతి సందర్భంగా ఆలయంలో ప్రత్యేక పూజలు నిర్వహించారు. చిన్నారులకు అర్చకుల చేత అక్షరాభ్యాసం, కుంకుమార్చన పూజలు చేశారు. శ్రీ దత్తాత్రేయుని ఆలయంలో స్వామివారికి ప్రత్యేక అభిషేకం, అర్చన విశేష పూజలు నిర్వహించారు.
HYD: ఉప్పుగూడ పరిధిలోని రక్షాపురం కాలనీ, శ్రీ శివాలయం ప్రాంగణంలో గల అయ్యప్ప స్వామి ఆలయంలో, 15 డిసెంబర్ 2024 మధ్యాహ్నం 12.30 గంటలకు, అయ్యప్ప మాలదారులు శ్రీనివాస్ గుప్తా స్వామి బృందం అయ్యప్ప స్వామి వారికి ప్రత్యేక అభిషేకం చేశారు. తదుపరి స్వామి వారిని పూలమాలతో విశేషంగా అలంకరించారు. అనంతరం పడిపూజ కార్యక్రమం జరిగింది. భక్తులు భక్తి శ్రద్ధలతో పూజించారు.
AP: విజయవాడలోని ఇంద్రకీలాద్రిపై ఈనెల 21 నుంచి భవానీ దీక్ష విరమించనున్నారు. దీక్ష విరమణకు అన్ని ఏర్పాట్లు చేసినట్లు ఆలయ ఈవో రామారావు తెలిపారు. 6 లక్షల మంది భక్తులు వస్తారని అంచనా వేస్తున్నామని, భవానీ భక్తుల కోసం ప్రత్యేక యాప్ తీసుకొచ్చినట్లు ఈవో పేర్కొన్నారు. 21 నుంచి 25వ తేదీ వరకు అంతరాలయ దర్శనాలు రద్దు చేశామన్నారు. అలాగే, భక్తుల గిరి ప్రదర్శనకు ఏర్పాట్లు చేసినట్లు వెల్లడించారు.
KMM: దమ్మపేట మండలం సీతారాంపురం గ్రామంలో నూతనంగా నిర్మిస్తున్న శ్రీ కోదండ రామాలయం శంకుస్థాపన కార్యక్రమానికి ఆలయ కమిటీ ఆహ్వానం మేరకు ముఖ్య అతిథిగా ఎమ్మెల్యే జారె ఆదినారాయణ పాల్గొన్నారు. ఈ సందర్భంగా ప్రత్యేక పూజలు చేశారు. అనంతరం తీర్థ ప్రసాదాలు స్వీకరించారు. ఈ కార్యక్రమంలో దమ్మపేట సొసైటీ చైర్మన్ రఘవరావు తదితరులు పాల్గొన్నారు.
KDP: కడప నగరంలోని స్థానిక బిల్డప్ సర్కిల్ సమీపాన వెలసిన ప్రముఖ పుణ్యక్షేత్రం శ్రీ విజయ దుర్గాదేవి ఆలయంలో, ఆదివారం పౌర్ణమి పురస్కరించుకొని అమ్మవారికి విశేష పూజలను నిర్వహించారు. ఆలయ అర్చకులు అమ్మవారికి వివిధ రకాల అభిషేకాలు, కుంకుమార్చన చేశారు. అనంతరం అమ్మవారిని ప్రత్యేకంగా అలంకరించి భక్తులకు దర్శనం కల్పించారు.
