శ్రీ క్రోధి నామ సంవత్సరం; దక్షిణాయణం; హేమంత రుతువు, మార్గశిరమాసం, శుక్లపక్షం చతుర్దశి: సా. 4-19 తదుపరి పూర్ణిమ; రోహిణి: తె. 4-19 తదుపరి మృగశిర; వర్జ్యం: రా. 8-42 నుంచి 9-13 వరకు; అమృత ఘడియలు: రా. 1-16 నుంచి 2-47 వరకు; దుర్ముహూర్తం: ఉ. 6-25 నుంచి 7-52 వరకు; రాహుకాలం: ఉ. 9-00 నుంచి 10-30 వరకు సూర్యోదయం: ఉ. 6.25; సూర్యాస్తమయం: సా.5.24 దత్త జయంతి
ATP: అనంతపురం జిల్లా గుత్తి పట్టణంలోని కొండపై గల హజ్రత్ సయ్యద్ భాష వలి దర్గాలో శుక్రవారం ప్రత్యేక ప్రార్థనలు నిర్వహించారు. వివిధ ప్రాంతాల నుంచి భక్తాదులు పాల్గొని దర్గాలో సయ్యద్ బాషా వలి స్వామిని దర్శించుకుని ప్రత్యేక చక్కెర చదివింపులు చేసి తమ మొక్కుబడులను చెల్లించుకున్నారు. సయ్యద్ భాష వలి నామస్మరణతో దర్గా మారుమోగింది.
TPT: నారాయణవనం మండల కేంద్రంలోని టీటీడీ అనుబంధ ఆలయమైన శ్రీ కళ్యాణ వెంకటేశ్వర స్వామి ఆలయంలో కార్తీక శుక్రవారం సందర్భంగా శ్రీ పద్మావతి అమ్మవారికి ఊంజల్ సేవ అత్యంత వైభవంగా జరిగింది. అమ్మవారి ఉత్సవ మూర్తికి సుగంధ ద్రవ్యాలతో అభిషేకాలు నిర్వహించి వివిధ రకాల పుష్పాలతో అలంకరించారు. సాయంత్రం ఉంజల్ సేవ జరిగింది.
కోనసీమ: మండల కేంద్రమైన అయినవిల్లిలో వేంచేసి యున్న విగ్నేశ్వర స్వామిని శుక్రవారం అధిక సంఖ్యలో భక్తులు దర్శించుకున్నారు. వివిధ ప్రాంతాల నుంచి వచ్చిన భక్తులు స్వామివారిని దర్శించుకుని ప్రత్యేక పూజలు అభిషేకాలు నిర్వహించారు. ఈ మేరకు భక్తులు స్వామివారికి సమర్పించిన వివిధ సేవలు, విరాళాలు ద్వారా రూ.1,21,831 ఆదాయం లభించినట్లు ఈఓ సత్యనారాయణ రాజు తెలిపారు.
TPT: కాణిపాకం శ్రీ వరసిద్ధి వినాయక స్వామి ఆలయంలో ఈనెల 18వ తేదీన బుధవారం సంకటహర చతుర్థి వేడుకలు నిర్వహిస్తున్నట్లు ఆలయ నిర్వహకులు తెలిపారు. ఆలయ ప్రాంగణంలో ఉదయం 10 గంటల నుంచి 11 గంటల వరకు, సాయంత్రం 5 గంటల నుంచి 6 గంటల వరకు వేడుకలు నిర్వహించనున్నారు. రాత్రి పురవీధుల్లో స్వర్ణ రథోత్సవం వేడుకలు ఉంటాయన్నారు.
KDP: మండల పరిధిలోని మల్లూరు గ్రామంలో వెలసిన వల్లూరమ్మ తల్లికి శుక్రవారం ప్రత్యేక పూజలు, అభిషేకాలు నిర్వహించారు. ఈ సందర్భంగా ఆలయ అర్చకులు అమ్మవారిని పట్టు వస్త్రాలతో సర్వాంగ సుందరంగా అలంకరించారు. భక్తులు పెద్ద సంఖ్యలో అమ్మవారిని దర్శించుకుని కొబ్బరికాయలు కొట్టి మొక్కులు తీర్చుకున్నారు. ఆలయానికి విచ్చేసిన భక్తులకు ఆలయ అర్చకులు తీర్థప్రసాదాలు అందజేశారు.
HYD: ఉప్పుగూడ పరిధిలోని రక్షాపురం కాలనీ, శ్రీ శివాలయం ఆవరణలో గల శ్రీ త్రిశక్తి ఆలయంలో, 13 డిసెంబర్ 2024 శుక్రవారం రోజు ఉదయం, మార్గశిర మాసం శుక్రవారం సందర్భంగా, శ్రీ త్రిశక్తి అమ్మవార్లకు, ప్రత్యేక అభిషేకం చేశారు. అనంతరం అమ్మవార్లని నూతన వస్త్రములతో, పూల మాలలతో సుందరంగా అలంకరించారు. దీప ధూపాలను వెలిగించారు, నైవేద్యాన్ని సమర్పించారు.
TPT: పవిత్ర ధనుర్మాసాన్ని పురస్కరించుకుని డిసెంబరు 16 నుంచి 2025 జనవరి 13వ తేదీ వరకు తిరుపతితోపాటు దేశవ్యాప్తంగా 232 కేంద్రాల్లో ప్రముఖ పండితులు తిరుప్పావై ప్రవచనాలు చేయనున్నారు. టీటీడీ ఆళ్వార్ దివ్యప్రబంధ ప్రాజెక్టు ఆధ్వర్యంలో ఇందుకోసం ఏర్పాట్లు జరుగుతున్నాయి. తిరుమల శ్రీవారి ఆలయంలోనూ ధనుర్మాసంలో సుప్రభాతం బదులు తిరుప్పావై నివేదించడం విశేషం.
BHNG: భువనగిరి ఖిలాగుట్ట సంతోషిమాత సీతారామఆంజనేయ స్వామి పునప్రతిష్ట కార్యక్రమంలో భువనగిరి శాసనసభ్యులు కుంభం అనిల్ కుమార్ రెడ్డి పాల్గొనిగురువారం ప్రత్యేక పూజలు నిర్వహించారు. ఈకార్యక్రమంలో సంతోషిమాతా సీతారామ ఆంజనేయ స్వామి దేవాలయ చైర్మన్ తాడెం రాజశేఖర్, మున్సిపల్ చైర్మన్ పోతంశెట్టి వెంకటేశ్వర్లు, వైస్ చైర్మన్ మాయదశరథ, కౌన్సిలర్ వడిచెర్లకృష్ణ, తదితరులు పాల్గొన్నారు.
MDK: పాపన్నపేట మండలం శ్రీ ఏడుపాయల దివ్య క్షేత్రంలో వన దుర్గమ్మకు శుక్రవారం పంచామృతాలతో ప్రత్యేక అభిషేకం పూజలు చేశారు. పలు విధ ద్రవ్యాలు, నిమ్మకాయలు, గాజులు, పసుపు, కుంకుమ, పట్టు వస్త్రాలు, ఒడి బియ్యం సమర్పించి, రకరకాల సుగంధ పుష్పాలతో ప్రత్యేక అలంకరణ చేశారు. అనంతరం అమ్మవారికి ధూప, దీపం, పండ్లు, ఫలాలు నైవేద్యం సమర్పించి మంగళహారతి చేశారు.
MDK: గుమ్మడిదల మండలం బొంతపల్లి గ్రామంలో గురువారం ఆలయం హుండీ లెక్కింపు నిర్వహించారు. సంగారెడ్డి డివిజనల్ ఇన్స్పెక్టర్ రంగారావు ఆధ్వర్యంలో హుండీని లెక్కంచగా 78 రోజుల హుండీ ఆదాయం రూ.15,35,063 వచ్చిందని తెలిపారు. ఈ కార్యక్రమంలో కార్యనిర్వహణాధికారి శశిధర్ గుప్తా, భ్రమరాంబ సేవా సమితి వారు సభ్యులు నాయకులు ప్రతాప్ రెడ్డి, లక్ష్మీనారాయణ ఉన్నారు.
శ్రీ క్రోధి నామ సంవత్సరం; దక్షిణాయణం; హేమంత రుతువు, మార్గశిరమాసం, శుక్లపక్షం త్రయోదశి: సా. 6-17 తదుపరి చతుర్దశి భరణి: ఉ.6-49, కృత్తిక తె. 5-28 తదుపరి రోహిణి వర్జ్యం: సా. 6-08 నుంచి 7-39 వరకు అమృత ఘడియలు: తె. 3-12 నుంచి 4-42 వరకు దుర్ముహూర్తం: ఉ. 8-36 నుంచి 9-20 వరకు తిరిగి మ. 12-16 నుంచి 1-00 వరకు రాహుకాలం: మ. 10-30 నుంచి 12-00 వరకు సూర్యోదయం: ఉ. 6.25; […]
ATP: గుంతకల్లు కసాపురం శ్రీ నెట్టికంటి ఆంజనేయస్వామి ఆలయంలో హనుమత్ వ్రత్ ఉత్సవాలు సందర్భంగా టీడీపీ రాష్ట్ర బీసీ సెల్ అధికారి ప్రతినిధి, గుంతకల్లు పట్టణ యువ నాయకుడు పవన్ కుమార్ గౌడ్ స్వామివారి ఇరుముడి సమర్పించారు. ముందుగా పట్టణంలోని హనుమాన్ సర్కిల్ నుండి కసాపురం ఆలయం వరకు కాలినడకన వచ్చి స్వామివారికి ఇరు ముడి సమర్పించి ప్రత్యేక పూజలు చేశారు.
E.G: మామిడికుదురు మండలం అప్పనపల్లి శ్రీ బాల బాలాజీ స్వామి హుండీ ఆదాయాన్ని గురువారం లెక్కించారు. అమలాపురం దేవాదాయ ధర్మాదాయ శాఖ తనిఖీదారు రామలింగేశ్వరరావు, ఆలయ ఈవో సత్యనారాయణరాజు ఆధ్వర్యంలో లెక్కింపు జరిగింది. 42 రోజులకు హుండీల ద్వారా 33 లక్షల 35 వేల 485 రూపాయలు ఆదాయం వచ్చిందని 20 గ్రాములు బంగారం, 120 గ్రాములు వెండిని భక్తులు హుండీలో కానుకలుగ సమర్పించారు.
SRD: గుమ్మడిదల మండల కేంద్రంలోని కళ్యాణ వెంకటేశ్వర స్వామి దేవాలయం వద్ద శ్రీ అయ్యప్ప మహా పడిపూజ కార్యక్రమానికి గురువారం ముఖ్య అతిథిగా బీఆర్ఎస్ రాష్ట్ర నాయకులు చిమ్ముల గోవర్ధన్ రెడ్డి హాజరయ్యారు. ఈ సందర్భంగా నిర్వాహకులు నాయకులను శాలువాతో ఘనంగా సన్మానించారు. అయ్యప్ప కృపతో మండల ప్రజలు ఆనందంగా ఉండాలని ఆయన కోరుకున్నారు.
