SRCL: మాస శివరాత్రి సందర్భంగా వేములవాడ శ్రీరాజరాజేశ్వర ఆలయంలో ఆదివారం అర్చకులు ఉదయం మహాన్యాస పూర్వక ఏకాదశ రుద్రాభిషేకం నిర్వహించారు. అనంతరం పరివార దేవత అభిషేక పూజ కార్యక్రమాలు అర్చనలు నిర్వహించినట్లు చెప్పారు. సాయంత్రం మహాలింగార్చన పూజ కార్యక్రమం ఉంటుందని వెల్లడించారు. ప్రతి మాస శివరాత్రి నేపథ్యంలో ఆలయంలో ప్రత్యేక పూజా కార్యక్రమాలు నిర్వహించారు.
GNTR: మంగళగిరిలోని శ్రీ పానకాల లక్ష్మీ నరసింహ స్వామి ఆలయం ఎగువ భాగంలో ఉన్న గండాలయ్య స్వామి ఆలయ దారులన్నీ మూసివేసినట్లు గండాలయ జ్వాల నరసింహ స్వామి వారి భక్త బృందం సభ్యులు ఆదివారం తెలిపారు. ఆలయ అభివృద్ధిలో భాగంగా గండ దీపం నిర్మాణ పనులు జరుగుతున్నాయని కావున ఆలయం మూసివేస్తున్నట్లు తెలిపారు. సుదూర ప్రాంతాలనుంచి ఆలయానికి వచ్చే భక్తులు గమనించాలన్నారు.
W.G: నరసాపురం మండలం లింగనబోయిన చర్లలో వెలసిన గంగాలమ్మను ఆదివారం ప్రత్యేకంగా అలంకరించారు. చుట్టుపక్కల గ్రామాల నుంచి పెద్దఎత్తున భక్తులు తరలివచ్చి అమ్మవారికి సారే, నైవేద్యాలు సమర్పించారు. ఈ సందర్భంగా భక్తులకు తీర్థప్రసాదాలను అందించారు. ఎవరికీ ఎలాంటి ఇబ్బందులు కలగకుండా ఆలయ కమిటీ సభ్యులు ఏర్పాట్లు చేశారు.
NLR: విడవలూరు పట్టణంలోని శ్రీ అంకమ్మ తల్లి దేవస్థానంలో ఆదివారం సందర్భంగా ప్రత్యేక పూజ కార్యక్రమాలను నిర్వహించారు. అమ్మవారికి అభిషేకం తదితర పూజా కార్యక్రమాలు అంగరంగ వైభవంగా జరిగాయి. ప్రత్యేక పుష్ప అలంకరణలో శ్రీ అంకమ్మ తల్లి భక్తులకు దర్శనమిచ్చారు. భక్తులు విచ్చేసి అమ్మవారిని దర్శించుకున్నారు. తదుపరి తీర్థ ప్రసాదాలను స్వీకరించారు.
ప్రకాశం: చంద్రశేఖరపురం మండలంలోని మిట్టపాలెం గ్రామంలోని నారాయణస్వామి ఆలయంలో భక్తులు ప్రత్యేక పూజలు నిర్వహించారు. స్వామివారికి ఆదివారం ప్రీతికరమైన రోజు కావడంతో చుట్టుపక్కల గ్రామాల నుంచి భక్తులు పెద్దఎత్తున ఆలయానికి తరలివచ్చి, స్వామివారికి పొంగలి నైవేద్యంగా పెట్టి తమ మొక్కులను తీర్చుకున్నారు. అర్చకులు భక్తులకు స్వామివారి తీర్థప్రసాదాలు అందజేశారు.
VZM: రాష్ట్ర పండుగ శ్రీశంబర పోలమాంబ అమ్మవారి సిరిమాను సంబరాలకు సంబంధించి సోమవారం శంబరలో సమావేశాన్ని నిర్వహిస్తున్నట్లు ఆలయ ఈఓ వి.వి సూర్యనారాయణ తెలిపారు. ఈ కార్యక్రమంలో మంత్రి గుమ్మిడి సంధ్యారాణి అధ్యక్షతన కలెక్టర్ ఏ.శ్యామ్ ప్రసాద్, ఎస్పీ ఎస్.వి మాధవ రెడ్డి సమక్షంలో మధ్యాహ్నం 2 గంటల నుంచి నిర్వహించడం జరుగుతుందని అన్నారు.
NLR: కావలి పట్టణంలో శనివారం జగన్నాథ రథయాత్ర కార్యక్రమాన్ని ఏర్పాటు చేశారు. ఈ సందర్భంగా రథానికి ప్రత్యేక పుష్పాలతో అందంగా అలంకరించారు. రథం లాగడానికి భక్తులు అధిక సంఖ్యలో విచ్చేశారు. పోటీపడి రథాన్ని లాగుతూ స్వామివారిని దర్శించుకున్నారు. పలు రకాల సాంస్కృతిక కార్యక్రమాలు, కోలాటం, మంగళ వాయిద్యాలతో రథయాత్ర కార్యక్రమం అంగరంగ వైభవంగా జరిగింది.
శ్రీ క్రోధి నామ సంవత్సరం; దక్షిణాయణం; హేమంత రుతువు, మార్గశిరమాసం, బహుళపక్షం చతుర్దశి: తె. 3-36 తదుపరి అమావాస్య జ్యేష్ఠ: రా. 11-28 తదుపరి మూల వర్జ్యం: లేదు అమృత ఘడియలు: మ. 2-06 నుంచి 3-48 వరకు దుర్ముహూర్తం: సా. 4-03 నుంచి 4-47 వరకు రాహుకాలం: సా. 4-30 నుంచి 6-00 వరకు సూర్యోదయం: ఉ. 6.34; సూర్యాస్తమయం: సా.5.31 మాస శివరాత్రి.
KDP: వీరబల్లి మండల పరిధిలోని పుత్తవాండ్లపల్లిలో వెలసిన పాలకొండ వెంకటేశ్వర స్వామికి శనివారం ప్రత్యేక పూజలు, అభిషేకాలు నిర్వహించారు. ఈ సందర్భంగా ఆలయ అర్చకులు స్వామివారిని సర్వాంగ సుందరంగా అలంకరించారు. భక్తులు పెద్ద సంఖ్యలో స్వామివారిని దర్శించుకుని కొబ్బరికాయలు కొట్టి మొక్కులు తీర్చుకున్నారు. ఆలయానికి విచ్చేసిన భక్తులకు ఆలయ అర్చకులు తీర్థప్రసాదాలు అందజేశారు.
KDP: వల్లూరు మండలంలోని దుగ్గాయపల్లెలో వెలసిన శ్రీ గంగమ్మ, దత్తాత్రేయ స్వామి ఆలయాల్లో శనివారం మండల పూజను ఘనంగా నిర్వహించారు. ఆలయాల విగ్రహ ప్రతిష్ఠా మహోత్సవాలు జరిగి 41 రోజులు పూర్తైన సందర్భంగా వేద పండితుల ఆధ్వర్యంలో హోమాలను నిర్వహించారు. పూజల అనంతరం తీర్థ ప్రసాదాలను పంపిణీ చేశారు.
ATP: గుంతకల్లు కసాపురం శ్రీ నెట్టికంటి ఆంజనేయ స్వామి ఆలయంలో శనివారం స్వామివారికి విశేష పూజలు నిర్వహించారు. వేకువ జమున స్వామివారికి ఆలయ అర్చకులు వేద మంత్రాల నడుమ సుగంధద్రవ్యాలు, పంచామృతాలతో అభిషేకాలు నిర్వహించారు. అనంతరం బంగారు, వెండి ఆభరణాలతో స్వామివారిని ప్రత్యేకంగా అలంకరించి భక్తులకు దర్శనం కల్పించారు.
BDK: భద్రాద్రి రాములవారికి HYD వాస్తవ్యులు రూ. 40 లక్షలు విలువ చేసే రత్నాంగి కవచాలను విరాళంగా ఆలయ ఈవో రమాదేవికి శనివారం అందజేశారు. ఈ కవచాలల్లో 51 వేల రత్నాలు ఉన్నాయని ఈవో తెలిపారు. దాతలు పిన్నమనేని బాలమురళీకృష్ణ, శాంతి దంపతులు, వారి కుటుంబ సభ్యులను ఆలయ అర్చకులు స్వామివారి శేష వస్త్రాలతో సత్కరించారు. అలాగే స్వామివారిది తీర్థప్రసాదాలు అందజేశారు.
SRCL: వేములవాడ శ్రీరాజరాజేశ్వర స్వామి వారి ఆలయానికి అనుబంధ దేవాలయమైన భీమేశ్వర ఆలయానికి శనివారం భక్తులు పోటెత్తారు. శనివారం శని త్రయోదశి విశిష్టమైన రోజు కావడంతో ఆలయంలోని నవగ్రహాలకు శనీశ్వరునికి భక్తులు విశేష పూజ కార్యక్రమాలు భక్తిశ్రద్ధలతో నిర్వహించారు. అర్చకులు శాస్త్రోక్తంగా చేస్తూ భక్తులు కోరిన కోరికలు నెరవేరే విధంగా పూజ కార్యక్రమాలు నిర్వహించారు.
W.G: ధనుర్మాసం సందర్బంగా పాలకొల్లు గాంధీ బొమ్మ సెంటర్‌లో కొలువై ఉన్న శ్రీ వెంకటేశ్వర స్వామి వారి దేవస్థానంలో స్వామి వారికి శనివారం ప్రత్యేక పూజలు నిర్వహించారు. ఆలయ ప్రధానార్చకులు మరుధూరి శ్రీనివాస్, పవన్ కుమార్, నర్సింహాచార్యులు స్వామి వారిని ప్రత్యేకంగా అలంకరించి విశేష పూజలు నిర్వహించారు.
Akp: మాడుగుల మండలంలో ఎం.కోడూరు శ్రీ మోదకొండమ్మ అమ్మవారికి గ్రామానికి చెందిన ఎన్నెటీ కొండలరావు అమ్మవారి పాదాల నిమిత్తం రూ.10వేలు శుక్రవారం అందజేశారు. ఈ నగదును ఆలయ ఛైర్మన్, సర్పంచ్ గొల్లవిల్లి సంజీవరావు అందించారు. ఆలయ అభివృద్ధికి సహకారం అందిస్తున్న వారందరికీ ఈ సందర్భంగా సంజీవరావు కృతజ్ఞతలు తెలిపారు. ఈ కార్యక్రమంలో ఎంపీటీసీ రమణబాబు పాల్గొన్నారు.
