ఓ ఆఫీసులో పనిచేస్తున్న యువకుడితో అదే ఆఫీసులో ఉండే యువతి సహజీవనం చేస్తోంది. కొంతకాలంగా వారిద్దరూ ఇష్టప్రకారంగా లివింగ్ రిలేషన్‌లో ఉంటూ వస్తున్నారు. అయితే తన ప్రేమికుడి ఫోన్‌లో ఆ యువతి కుప్పలు కుప్పలుగా నగ్న ఫోటోలను (Nude Photos) చూసింది. తన కంపెనీలో పనిచేసిన సీనియర్లు, ఇతర మహిళా ఉద్యోగులకు సంబంధించిన 13 వేల నగ్న ఫోటోలను ఆ యువతి చూసి షాక్ అయ్యింది. వెంటనే ఆ విషయాన్ని తన సీనియర్లకు తెలిపింది. వారంతా కలిసి సైబర్ క్రైమ్ పోలీసులకు (Cyber crime police) ఫిర్యాదు చేయగా పోలీసులు రంగంలోకి దిగారు.
చదవండి: Platinum Mine: గనిలో ఘోరం..ఎలివేటర్ కూలి 11 మంది దుర్మరణం
ఇప్పటి వరకూ ఆ ఫోటోలతో యువకుడు ఎవ్వరినీ బెదరించలేదు. ఎవరినీ బ్లాక్ మెయిల్ చేయడం వంటి ఘటనలకు పాల్పడలేదని పోలీసులు గుర్తించారు. బెంగళూరు (Bengaluru)కు చెందిన రంగీలా (పేరు మార్చాం) ఓ బీపీవో కంపెనీలో పనిచేస్తుండగా అదే కంపెనీలో సంతోష్ అనే వ్యక్తి ఉద్యోగం చేస్తున్నాడు. కొన్నాళ్లుగా వీరిద్దరూ సహజీవనం చేస్తున్నారు. అయితే ఒక రోజు ఇద్దరూ సన్నిహితంగా ఉన్నప్పుడు సంతోష్ ఫోటోలు తీశాడు. వాటిని ఫోన్‌లో నుంచి తొలగించాలని రంగీలా ఎంత చెప్పినా సంతోష్ వినలేదు. ఆఖరికి ఒక రోజు సంతోష్ నిద్రిస్తుండా రంగీలా ఆ ఫోన్ తీసుకుని ఫోటోలను డిలీట్ చేసే ప్రయత్నం చేసింది.
చదవండి: Maharashtra: షాకింగ్.. వంట రుచిగా లేదని తల్లిని హత్య చేసిన కొడుకు!
అయితే సంతోష్ ఫోన్‌లో వందల కొద్దీ నగ్న ఫోటోలు (Nude Photos) ఉండటాన్ని గమనించింది. ఏకంగా 13 వేల న్యూడ్ ఫోటోలు ఉండటం చూసి రంగీలా షాక్ అయ్యింది. తమ సీనియర్ ఉద్యోగుల ఫోటోలు కూడా ఉన్నట్లు గుర్తించి వారికి విషయం చెప్పింది. పోలీసులకు ఫిర్యాదు చేయడంతో పోలీసులు ఆ ఫోన్‌ను స్వాధీనం చేసుకున్నారు. సంతోష్‌ను అరెస్ట్ చేశారు. నిందితుడి ఫోన్‌లో కొన్ని నిజమైన ఫోటోలు, మరికొన్ని మార్ఫింగ్ చేసిన ఫోటోలు ఉన్నట్లుగా పోలీసులు గుర్తించారు.
చదవండి: RGUKT Suicide: బాసర ట్రిపుల్‌ ఐటీలో విద్యార్థి ఆత్మహత్య.. కారణం ఇదే
బెంగళూరు సైబర్ పోలీసులు కేసు నమోదు చేసుకుని దర్యాప్తు చేస్తున్నారు. సంతోష్ ఇప్పటి వరకూ ఆ ఫోటోలతో ఎవ్వరినీ బెదిరించకపోయినా భవిష్యత్తులో బెదిరించే అవకాశం ఉందని మహిళా ఉద్యోగులు ఆందోళన వ్యక్తం చేశారు. రంగీలా ఫిర్యాదుతో ఆదిత్యపై కేసు నమోదైంది. ప్రస్తుతం ఈ కేసును బెంగళూరు సైబర్ పోలీసులు (Bengaluru Cyber Police) విచారిస్తున్నారు. నిందితుడికి కఠిన శిక్ష పడే అవకాశం ఉందని పోలీసులు తెలిపారు.
