SRCL: చందుర్తి మండలం నర్సింగాపూర్ గ్రామ శివారులోని లొంక హనుమాన్ అటవీ ప్రాంతంలో జరుగుతున్న ఉపాధి హామీ పనుల్లో మంగళవారం ఓ మహిళ గాయపడింది. గ్రామస్తుల కథనం ప్రకారం.. లక్ష్మీ అనే మహిళ ఉపాధి హామీ పనులు చేస్తుండగా ప్రమాదవశాత్తు కింద పడిపోవడంతో కాలు విరిగినట్లు తెలిపారు. చికిత్స నిమిత్తం వేములవాడలోని ప్రభుత్వ ఆసుపత్రికి తరలించారు.
NRPT: జిల్లాలోని వడ్ల కొనుగోలు కేంద్రాలలో జరుగుతున్న అవకతవకలు అరికట్టాలని సీపీఎం జిల్లా కార్యదర్శి వెంకట్రామిరెడ్డి అన్నారు. ఇటీవల బాధ్యతలు స్వీకరించిన కలెక్టర్ ప్రియాంకను మంగళవారం కలెక్టరేట్లో కలిసి పూల మొక్కను అందించి శుభాకాంక్షలు తెలిపారు. అనంతరం ఆమెకు వినతి పత్రం అందించి కొనుగోలు కేంద్రాల్లో జరుగుతున్న మోసాలు, అవకతవకల గురించి వివరించారు.
BDK: వేసవి శిబిరాల్లో నేర్చుకున్న కళలను నిరంతరం సాధన చేస్తేనే భవిష్యత్తులో రాణించవచ్చని ITDA పిఓ బి.రాహుల్ విద్యార్థులకు సూచించారు. మంగళవారం భద్రాచలం గిరిజన బాలికల పాఠశాల, వికాసం పాఠశాలల్లో జరుగుతున్న సమ్మర్ క్యాంపులను ఆయన ఆకస్మికంగా తనిఖీ చేశారు. ఆర్ట్ అండ్ క్రాఫ్ట్, డ్యాన్స్, కంప్యూటర్ శిక్షణ తరగతులను పరిశీలించి విద్యార్థులకు పలు సూచనలు చేశారు.
ASF: రెబ్బెన మండలం గోలేటిలో గజ్జెల్లి అశోక్(35) అనే తాపి మేస్త్రి ఉరేసుకొని ఆత్మహత్య చేసుకున్నాడు.SI వెంకట కృష్ణ వివరాల ప్రకారం మద్యానికి బానిసైన అశోక్ తరచూ భార్యతో గొడవపడేవాడు. ఇటీవల తల్లి వద్దకు వచ్చి ఉంటున్న అతడు మద్యం తాగి ఇంట్లోకి వెళ్లి తలుపు వేసుకున్నాడు. అనుమానం వచ్చి కుటుంబీకులు తలుపు తెరిచి చూడగా ఉరివేసుకుని కనిపించాడు
KMM: చింతకాని మండలం తిమ్మినేనిపాలెం గ్రామ మాజీ ఎంపీటీసీ, బీఆర్ఎస్ నాయకుడు ప్రభుదాస్(55) అనారోగ్యంతో మంగళవారం చనిపోయారు. పార్టీ సంస్థాగత నిర్మాణంలో, గ్రామ అభివృద్ధిలో ఆయన క్రియాశీల పాత్ర పోషించారు. ఆయన మృతి పట్ల పలువురు నాయకులు సంతాపం వ్యక్తం చేశారు మృతుడికి భార్య, ఇద్దరు పిల్లలు ఉన్నారు.
NZB: భీంగల్ మండల కేంద్రంలో బీజేపీ నాయకులు సంబరాలు నిర్వహించారు. మూడు రాష్ట్రాల్లో బీజేపీ విజయకేతనం ఎగరవేయడంతో ఆనందోత్సాహాలు పట్టణంలో బీజేపీ నాయకులు, కార్య కర్తలు సంబరాలు జరిపారు. పటాకులు కాల్చి, స్వీట్లు పంచుకొని వేడుకలు నిర్వహించారు. దేశవ్యాప్తంగా పార్టీకి వస్తున్న ప్రజాదరణపై హర్షం వ్యక్తం చేస్తూ, పార్టీని మరింత ముందుకు తీసుకెళ్తామన్నారు.
కరీంనగర్ జిల్లాలో DMAC ఛైర్ పర్సన్, జిల్లా కలెక్టర్ చిత్రా మిశ్రా అధ్యక్షతన అక్రిడిటేషన్ కమిటీ సమావేశాన్ని మంగళవారం నిర్వహించారు. ఈ సమావేశంలో 106 మంది ప్రింట్ ఎలక్ట్రానిక్ మీడియా జర్నలిస్టులకు అక్రిడిటేషన్ కార్డులు మంజూరు చేసేందుకు కమిటీ ఆమోదించింది. అర్హులైన ప్రతి జర్నలిస్టుకు అక్రిడిటేషన్ కార్డులు అందజేస్తామని కలెక్టర్ తెలిపారు.
JGL: అసంఘటిత కార్మికులు తప్పనిసరిగా తమ వివరాలను నమోదు చేసుకుని లేబర్ కార్డు పొందాలని రాయికల్ మున్సిపల్ ఛైర్మన్ రవీందర్ అన్నారు. రాయికల్ మున్సిపల్ కార్యాలయంలో మంగళవారం మెట్ పల్లి కార్మిక శాఖ ఆధ్వర్యంలో లేబర్ కార్డుల నమోదు, ప్రయోజనాలపై అవగాహన కల్పించారు. ఈ కార్యక్రమంలో మెట్ పల్లి అసిస్టెంట్ కార్మిక శాఖ అధికారి కృష్ణ సాగర్, కౌన్సిలర్లు పాల్గొన్నారు.
ADB: ఉద్యోగుల పేరిట మోసం చేసేవారిపట్ల జాగ్రత్తగా ఉండాలని 2 టౌన్ CI నాగరాజు మంగళవారం తెలిపారు. ట్రేడింగ్ పేరుతో, ఉద్యోగం ఇప్పిస్తానని మోసం చేసి రూ.కోటి 70 లక్షలను దోచుకున్న సల్మాన్ అనే నిందితుడిపై కేసు నమోదు చేసినట్లు వెల్లడించారు. నిజామాబాద్కు చెందిన గుడూరు ఉమారాణి ఇచ్చిన ఫిర్యాదు మేరకు నిందితుడిపై కేసు నమోదు చేసి రిమాండ్కు తరలించినట్లు పేర్కొన్నారు.
NLG: జిల్లా రెడ్ క్రాస్ సొసైటీలో కొత్త సభ్యత్వాల నమోదు, వివరాల నవీకరణ ప్రక్రియ ప్రారంభమైంది. ఆసక్తి ఉన్నవారు రెండు ఫోటోలు, ఆధార్ కార్డు, రూ. 1,160 రుసుముతో ఈ నెల 31 లోపు దరఖాస్తు చేసుకోవాలని పాలకమండలి కోరింది. పాత సభ్యులు తమ ఫోన్ నంబర్, చిరునామా వివరాలను కార్యాలయంలో ఉదయం 10 నుంచి సాయంత్రం 4 గంటల మధ్య అప్డేట్ చేసుకోవచ్చు.
SRPT: వేసవి సెలవుల్లోనూ అనంతగిరి మండల పరిధిలోని శాంతినగర్ జిల్లా పరిషత్ ఉన్నత పాఠశాల ప్రధానోపాధ్యాయులు పురుషోత్తం పాఠశాల అభివృద్ధిపై ప్రత్యేక శ్రద్ధ చూపుతున్నారు. స్వయంగా పాఠశాల డాబాపై నిల్వ ఉన్న మురికి నీటిని తొలగించి అందరికీ ఆదర్శంగా నిలిచారు. పాఠశాల ప్రాంగణం పరిశుభ్రత, మొక్కల సంరక్షణ కోసం నిత్యం శ్రమిస్తున్నారు.
SRPT: ఐదు రాష్ట్రాల ఎన్నికల్లో 3 చోట్ల బీజేపీ ఘనవిజయం సాధించిన సందర్భంగా హుజూర్ నగర్లో పట్టణ అధ్యక్షుడు కొండ హరీష్ గౌడ్ ఆధ్వర్యంలో భారీ ర్యాలీ నిర్వహించారు. ప్రజలు సుపరిపాలనకు పట్టం కట్టారని, ప్రజా వ్యతిరేక శక్తులకు ఈ తీర్పు చెంపపెట్టు అని ఆయన పేర్కొన్నారు. ఇదే స్ఫూర్తితో రాబోయే రోజుల్లో తెలంగాణలోనూ అధికారంలోకి వస్తామని ధీమా వ్యక్తం చేశారు.
KMR: అకాల వర్షాల కారణంగా రైతులకు నష్టం కలగకుండా వరి కొనుగోళ్లను వేగవంతం చేయాలని కలెక్టర్ ఆశిష్ సాంగ్వాన్ అధికారులను ఆదేశించారు. పీపీసీల వద్ద ధాన్యం తడవకుండా తార్పాలిన్లు, డ్రైనేజీ సదుపాయాలు కల్పించాలని సూచించారు. పల్వంచ పీపీసీని కలెక్టర్ సందర్శించారు. తూకం, రవాణా ప్రక్రియలను త్వరగా పూర్తి చేసి రైతుల ధాన్యం వెంటనే కొనుగోలు చేయాలని ఆదేశించారు.
NZB: జక్రాన్పల్లి మండలం అర్గుల్ గ్రామానికి చెందిన వ్యక్తి భార్యను వేధించి హత్యాయత్నం చేసిన కేసులో కోర్టు 7 సంవత్సరాల కఠిన కారాగార శిక్షతో పాటు రూ. 10,000 జరిమానా విధించింది. భార్య ఫిర్యాదుతో కేసు నమోదు చేసి అరెస్ట్ చేయగా విచారణ అనంతరం నిజామాబాద్ మహిళల కోర్టు నిందితుడిని దోషిగా తేల్చిందని జక్రాన్ పల్లి ఎస్సై మహేశ్ పేర్కొన్నారు.
MLG: ములుగు కలెక్టరేట్లో మంగళవారం అదనపు కలెక్టర్ సి.హెచ్. మహేందర్ జి ఆన్లైన్ ద్వారా జనగణన స్వీయ నమోదు చేసుకున్నారు. ఈ నెల 26 నుంచి మే 10 వరకు సెల్ఫ్ ఎన్యూమరేషన్ కొనసాగుతుందని తెలిపారు. ప్రజలు https://se.census.gov.inద్వారా తమ వివరాలు నమోదు చేసుకోవాలని సూచించారు. మే 11 నుంచి ఎన్యూమరేటర్లు ఇంటింటికి వెళ్లి వివరాలు సేకరిస్తారని వెల్లడించారు.
