జూనియర్ ఎన్టీఆర్(jr ntr) అభిమానులకు గుడ్ న్యూస్ వచ్చేసింది. ఎందుకంటే ఎన్టీఆర్ త్వరలోనే హాలీవుడ్ లో ఓ మూవీ చేయనున్నట్లు తెలుస్తోంది. అయితే గార్డియన్స్ ఆఫ్ గెలాక్సీ దర్శకుడు జేమ్స్ గన్(james gunn).. RRR స్టార్ హీరో జూనియర్ ఎన్టీఆర్‌తో కలిసి పనిచేయాలనుకుంటున్నట్లు వెల్లడించారు.
ఓ ఇంటర్వ్యూలో భాగంగా గార్డియన్స్ యూనివర్స్ లోకి ఒక భారతీయ నటుడిని పరిచయం చేయగలరా అని జేమ్స్‌ను అడిగారు. అందుకు అతను క్రేజీగా సమాధానం చెప్పారు. దానికి సమాధానమిస్తూ ఆర్‌ఆర్‌ఆర్‌(RRR)లోని వ్యక్తితో కలిసి పనిచేసేందుకు ఇష్టపడాతానని వెల్లడించారు. పులుల బోను నుంచి బయటకు వచ్చిన హీరోతో కలిసి పనిచేయడానికి ఇష్టపడతానని చెప్పాడు. RRR చిత్రంలో జూనియర్ ఎన్టీఆర్(NTR) యాక్టింగ్ అద్భుతమని, కూల్ గా ఉన్నారని ఆయన పేర్కొన్నారు. ఇది తెలిసిన ఎన్టీఆర్ ఫ్యాన్స్ ఫుల్ ఖుషీ అవుతున్నారు. ఈ క్రమంలో వీరిద్దరి కాంబోలో మూవీ పక్కాగా ఉంటుందని ఫ్యాన్స్ భావిస్తున్నారు.
ఇది కూడా చూడండి: Tamanna Dating: విజయ్ వర్మ కారులో తమన్నా..ఏడాది నుంచి డేటింగ్?
గార్డియన్ ఆఫ్ ది గెలాక్సీ 3 మూవీ ప్రమోషన్లలో భాగంగా ఈ మేరకు వెల్లడించారు. ఈ చిత్రం మే 5న థియేటర్లలోకి రిలీజ్ కానుంది. ఈ డైరెక్టర్ మార్వెల్ తో పాటు డీసీ కామిక్ స్టూడియెస్లో పలు చిత్రాలకు దర్శకత్వం వహించారు.
మరోవైపు గతంలో ఎన్టీఆర్ హాలీవుడ్(Hollywood)లో కూడా నటించాలనుకుంటున్నట్లు వెల్లడించారు. గత సంవత్సరం జూనియర్ ఎన్టీఆర్‌కి నెట్‌ఫ్లిక్స్ యాక్షన్ థ్రిల్లర్ ఆఫర్ చేయబడిందని పుకార్లు కూడా వచ్చాయి. కానీ ఆ తర్వాత దాని గురించి ఎటువంటి అప్‌డేట్ రాలేదు. ఈ ఏడాది జనవరిలో జూనియర్ ఎన్టీఆర్ మార్వెల్ సినిమాలో భాగం కావాలనుకుంటున్నట్లు తెలిసింది. ఇంతకు ముందు ఇండియా నుంచి ఫర్హాన్ అక్తర్ Ms మార్వెల్ సిరీస్‌లో కనిపించాడు.
ఇది కూడా చూడండి: Samantha ఇంగ్లీష్ యాషపై సోషల్ మీడియాలో ట్రోలింగ్
