NDL: నంద్యాల ఎంపీ బైరెడ్డి శబరిని టీడీపీ జాతీయ ప్రధాన కార్యదర్శిగా నియమిస్తూ పార్టీ నాయకత్వం నిర్ణయం తీసుకుంది. ఈ మేరకు పార్టీ రాష్ట్ర అధ్యక్షుడు పల్లా శ్రీనివాసరావు ఉత్తర్వులు జారీ చేశారు. ఆమెకు కీలక పదవి వరించడంతో శబరి అనుచరులు, కార్యకర్తలు హర్షం వ్యక్తం చేస్తున్నారు. ఈ సందర్భంగా ఆమె పలువురికి కృతజ్ఞతలు తెలియజేసింది.
VZM: టీడీపీ జాతీయ వర్కింగ్ ప్రెసిడెంట్గా నియమితులైన మంత్రి నారా లోకేశ్కు మంత్రి కొండపల్లి శ్రీనివాస్ శుభాకాంక్షలు తెలిపారు. యువగళం పోరాటంతో పార్టీకి చారిత్రాత్మక విజయం అందించిన లోకేశ్ ఇప్పుడు పార్టీ పగ్గాలు చేపట్టడం శుభపరిణామమన్నారు. సీఎం చంద్రబాబు మార్గదర్శకత్వంలో, మంత్రి లోకేశ్ నేతృత్వంలో టీడీపీ పార్టీ మరిన్ని ఉన్నత శిఖరాలను అధిరోహిస్తుందన్నారు.
గుంటూరు నగరపాలక సంస్థ కమిషనర్ కె.మయూర్ అశోక్ బృందావన్ గార్డెన్స్, లక్ష్మీపురం ప్రాంతాలను సందర్శించి పనుల పురోగతిని పరిశీలించారు. రోడ్లు, డ్రైనేజ్ పనులను వేగంగా పూర్తి చేయాలని అధికారులకు స్పష్టం చేశారు. అడ్డుగా ఉన్న విద్యుత్ స్తంభాలను తక్షణం తొలగించాలని ఆదేశించారు. ప్రజలకు ఇబ్బందులు లేకుండా పనులు నిర్వహించాలని సూచించారు.
TPT: తిరుపతి పట్టణం గొల్లవానిగుంటలో షాప్, తుడా సహకారంతో రూ.10.10 కోట్ల వ్యయంతో నిర్మించిన ఎన్టీఆర్ స్పోర్ట్స్ కాంప్లెక్స్ను మంత్రి నారా లోకేశ్ ప్రారంభించారు. అనంతరం ప్రముఖ క్రీడాకారిణులు పీవీ సింధు, మిథాలి రాజ్లతో ఆయన ముచ్చటించారు. విద్యార్థులతో కలిసి వాలీబాల్, క్రికెట్ ఆడి వారిని ప్రోత్సహించారు.
కోనసీమ: మైనారిటీల అభివృద్ధి, ఉర్దూ భాష పరిరక్షణ ప్రోత్సాహం పట్ల ప్రత్యేక శ్రద్ధ చూపుతూ రాష్ట్ర ఉర్దూ అకాడమీ చరిత్రలో కొత్త అధ్యాయాన్ని ప్రారంభించిన CM చంద్రబాబుకు ప్రభుత్వ సలహాదారులు అహమ్మద్ షరీఫ్కు బుధవారం మండపేట TDP రాష్ట్ర మైనారిటీ సెల్ కార్యదర్శి సల్మాన్ హుస్సేన్ కృతజ్ఞతలు తెలిపారు. ఇది మైనారిటీ విద్యా అభివృద్ధికి బలమైన పునాది వేస్తుందన్నారు.
కడప: కమలాపురం ఓ పాఠశాలకు ఎంఈఓ బేబీ నోటీసులు జారీ చేశారు. ప్రభుత్వ అనుమతులు లేకుండా పాఠశాల నడుపుతున్నట్లు గుర్తించారు. అవసరమైన వసతులు లేకపోవడంతో గతంలో అనుమతి నిరాకరించినప్పటికీ యాజమాన్యం సరైన వివరణ ఇవ్వలేదని తెలిపారు. నోటీసుల అనంతరం స్కూల్ మూసివేతతో పాటు పోలీసులకు ఫిర్యాదు చేస్తామని హెచ్చరించారు.
KRNL: గూడూరు మండలం పెంచికలపాడుకు చెందిన గాడే చరిత ఇంటర్మీడియట్ ఫలితాల్లో 988 మార్కులు సాధించి సత్తా చాటింది. నంద్యాల జిల్లా నెరవాడ ప్రభుత్వ ఎంజేపీ గురుకుల పాఠశాలలో చదువుతూ ఆమె ఈ ఘనత సాధించింది. తన తల్లిదండ్రులు వ్యవసాయ పనులు చేస్తూ తనను చదివించారని చరిత పేర్కొంది. ఫలితాలలో పట్ల కుటుంబ సభ్యులు, గ్రామస్థులు హర్షం వ్యక్తం చేస్తూ ఆమెను అభినందించారు.
CTR: చిత్తూరులోని ఓ ఇంజనీరింగ్ కళాశాలలో నిర్వహించిన గణపతి పూజ కార్యక్రమంలో పూతలపట్టు ఎమ్మెల్యే డాక్టర్ కలికిరి మురళీ మోహన్ పాల్గొన్నారు. విద్యార్థులతో కలిసి ప్రత్యేక పూజల్లో పాల్గొని, వారి చదువుల్లో అభివృద్ధి సాధించాలని ఆకాంక్షించారు. ఈ కార్యక్రమంలో అధ్యాపకులు, సిబ్బంది పాల్గొన్నారు.
అన్నమయ్య: ఇంటర్ ఫలితాల్లో ఉత్తీర్ణత సాధించిన విద్యార్థులందరికీ నేత గడికోట శ్రీకాంత్ రెడ్డి అభినందనలు తెలిపారు. ఈ విజయం భవిష్యత్తుకు బలమైన పునాది అని పేర్కొంటూ, ఉన్నత విద్యలో రాణించాలని సూచించారు. మార్కులు తక్కువ వచ్చిన వారు నిరుత్సాహపడవద్దని, పట్టుదలతో ముందుకు సాగితే విజయాన్ని సాధించవచ్చని తెలిపారు.
ATP: రాయదుర్గం ఎమ్మెల్యే కాలవ శ్రీనివాసులను తెలుగుదేశం పార్టీ పొలిట్ బ్యూరో సభ్యుడిగా నియమిస్తూ ముఖ్యమంత్రి చంద్రబాబు నాయుడు నిర్ణయం తీసుకున్నారు. పార్టీలో సీనియర్ నేతగా ఉన్న ఆయన సేవలను గుర్తించి ఈ కీలక బాధ్యతను అప్పగించారు. ప్రభుత్వ, పార్టీ కార్యక్రమాల్లో క్రియాశీలకంగా వ్యవహరిస్తున్న ఆయనకు ఈ పదవి దక్కడంపై కార్యకర్తలు హర్షం వ్యక్తం చేస్తున్నారు.
ELR: మండవల్లిలో కొండపల్లి నాంచారయ్య నివాసం వద్ద పీఎం సూర్య ఘర్ యోజన పధకం ద్వారా మంజూరైన సోలార్ ప్యానల్ రూఫ్టాప్ను బుధవారం ఎమ్మెల్యే కామినేని శ్రీనివాస్ ప్రారంభించారు. ఈ సందర్బంగా ఎలక్ట్రికల్ డిపార్ట్మెంట్ అధికారులు తెలిపిన వివరాల ప్రకారం.. 300 యూనిట్ల వరకు ఉచిత విద్యుత్తును అందించే కేంద్ర ప్రభుత్వ పథకంను సద్వినియోగం చేసుకోవాలన్నారు.
ELR: ఉంగుటూరు మండలంలో 27 గ్రామపంచాయతీ కార్యాలయాల నోటీసు బోర్డు వద్ద బుధవారం ఓటర్ల జాబితా ఏర్పాటు చేశామని డిప్యూటీ ఎంపీడీవో రమేష్ బాబు తెలిపారు. బాదంపూడి పంచాయతీ కార్యాలయం వద్ద నోటీసు బోర్డులో ఏర్పాటుచేసిన ఓటర్ జాబితాను డిప్యూటీ ఎంపీడీవో పరిశీలించారు. ఈ కార్యక్రమంలో పంచాయతీ అభివృద్ధి అధికారి కె.వి గిరిధర్ పాల్గొన్నారు.
E.G: నిడదవోలులో ఈ నెల 18వ తేదీన సీఎం చంద్రబాబు నాయుడు పర్యటించనున్నారు. ఈ మేరకు సీఎం పర్యటన ఏర్పాట్లను జిల్లా కలెక్టర్ కీర్తి చేకూరి, జిల్లా ఎస్పీ డి.నరసింహ కిషోర్తో కలిసి బుధవారం పరిశీలించారు. జిల్లాలో సీఎం పర్యటన విజయవంతం అయ్యేందుకు తగిన చర్యలు చేపట్టినట్లు వెల్లడించారు. ఈ కార్యక్రమంలో మాజీ ఎమ్మెల్యే బూరుగుపల్లి శేషారావు పాల్గొన్నారు.
PPM: పదవ తరగతి విద్యార్థుల భవిష్యత్తును దృష్టిలో ఉంచుకుని మూల్యాంకన ప్రక్రియలో ఎలాంటి తప్పులకు తావులేకుండా అత్యంత జాగ్రత్తగా వ్యవహరించాలని జిల్లా కలెక్టర్ డా. ఎన్.ప్రభాకర రెడ్డి అధికారులను, ఉపాధ్యాయులను ఆదేశించారు. ఇవాళ పార్వతీపురం పట్టణంలోని చర్చి వీధిలో గల డీవీఎం పాఠశాలలో జరుగుతున్న పదవ తరగతి సమాధాన పత్రాల మూల్యాంకన ప్రక్రియను పరిశీలించారు.
AKP: టీడీపీ పోలీస్ బ్యూరో సభ్యురాలిగా రెండవసారి రాష్ట్ర హోంమంత్రి వంగలపూడి అనిత నియమితులయ్యారు. ఈ మేరకు పార్టీ జాతీయ అధ్యక్షుడు చంద్రబాబు నాయుడు బుధవారం ప్రకటించారు. అనితతో పాటు మరో ఎనిమిది మందిని పోలీస్ బ్యూరో సభ్యులుగా చంద్రబాబు నియమించారు. పోలియో సభ్యురాలిగా రెండోసారి నియమితులైన అనితను పలువురు టిడిపి నాయకులు అభినందించారు.
