ప్రకాశం: కొండపి MPP కార్యాలయంలో శనివారం ఉదయం 10 గంటలకు ఉపాధి హామీ పథకం సామాజిక తనిఖీ ప్రజా వేదిక కార్యక్రమం జరుగుతుందని కొండపి ఎంపీడీవో రామాజనేయులు తెలిపారు. గ్రామాల్లో జరిగిన ఉపాధి హామీ పనులపై సమీక్ష జరుగుతుందన్నారు. ఈ కార్యక్రమంలో మండలంలోని అధికారులు, అన్ని గ్రామల ప్రజాప్రతినిధులు పాల్గొనాలని ఎంపీడీవో రామాంజనేయులు కోరారు.
ప్రకాశం: రోడ్డు ప్రమాదంలో వ్యక్తి మృతి చెందిన ఘటన నాగులుప్పలపాడు మండలం చదలవాడ వద్ద శుక్రవారం సాయంత్రం చోటుచేసుకుంది. ఒమ్మేవరం గ్రామానికి చెందిన ప్రతాప్ బైక్‌పై ఒంగోలు వెళ్తుండగా ముందు వెళ్తున్న వాహనాన్ని ఢీకొనడంతో తలకు తీవ్ర గాయాలయ్యాయి. చికిత్స నిమిత్తం ఒంగోలు తరలిస్తుండగా మార్గమధ్యలో ప్రతాప్ చనిపోయినట్లు ఎస్సై శ్రీకాంత్ తెలిపారు.
ప్రకాశం: జిల్లాను కుష్టువ్యాధి రహితంగా మార్చేందుకు అధికారులు కృషి చేయాలని కలెక్టర్ తమీమ్‌ అన్సారియా ఆదేశించారు. శుక్రవారం ఒంగోలులోని స్థానిక ప్రకాశం భవనంలో వైద్య అధికారులతో కలెక్టర్ సమావేశం నిర్వహించి మాట్లాడారు. ఈ నెల 20 నుంచి ఫిబ్రవరి 2వ తేదీ వరకు ప్రత్యేక ప్రచార కార్యక్రమాలు నిర్వహించనున్నట్లు వివరించారు.
ప్రకాశం: జిల్లాలోని 38 మండలాల్లోను ఒక్కొక్క గ్రామంలో ఈనెల 20వ తేదీ నుంచి రీసర్వేను ప్రారంభిస్తున్నట్లు జేసీ గోపాలకృష్ణ చెప్పారు. కలెక్టరేట్‌లోని గ్రీవెన్స్ హాలులో రీసర్వేపై సర్వేయర్లతో జరిగిన సమావేశంలో ఆయన మాట్లాడారు. జిల్లాలోని 18 గ్రామాల్లో 138 బ్లాకులుగా ఏర్పాటుచేసి 45,104 ఎకరాలను సర్వే చేయనున్నట్లు తెలిపారు. అందుకు 106 మందితో బృందాలను ఏర్పాటు చేశామన్నారు.
ప్రకాశం: కొనకనమిట్ల మండలం చౌటపల్లిపాలెం గ్రామ సమీపంలో రహదారి వద్ద శనివారం ఉదయం రోడ్డు ప్రమాదం చోటు చేసుకుంది. రోడ్డు మీద వెళ్తున్న వ్యక్తిని అశోక్ లేలాండ్ ట్రాలీ వాహనం ఢీకొట్టి వెళ్ళిపోయింది. ఈ ప్రమాదంలో ఆ వ్యక్తి అక్కడికక్కడే మృతి చెందాడు. డ్రైవర్ వాహనాన్ని ఆపకుండా వెళ్ళిపోయాడు. పూర్తి వివరాలు తెలియాల్సి ఉంది.
SKLM: రాష్ట్రంలో గోదాముల సామర్థ్యం పెంచడంతో పాటు కోల్డ్‌ స్టోరేజీల నిర్మాణానికి ప్రతిపాదనలు పంపించినట్లు రాష్ట్ర గిడ్డంగులు, గోదాముల సంస్థ ఎండీ గేదెల సురేష్ కుమార్ అన్నారు. ఈ మేరకు శుక్రవారం ఆయన పొందూరు, ఆమదాలవలసలో స్టేట్‌ వేర్‌ హౌస్‌ గోదాములు పరిశీలించారు. గిడ్డంగుల సంస్థ అభివృద్ధే ధ్యేయంగా ప్రతి ఉద్యోగి పనిచేయాలని అన్నారు.
ప్రకాశం: జిల్లాలో జవహర్‌ నవోదయ విద్యాలయంలో 2025-26 విద్యాసంవత్సరానికి 6వ తరగతి ప్రవేశ పరీక్ష శనివారం నిర్వహిస్తున్నట్లు డీఈఓ కిరణ్ కుమార్ తెలిపారు. ప్రవేశ పరీక్షకు అన్ని ఏర్పాట్లు పూర్తి చేశామని, జిల్లాలో 4,547 మంది విద్యార్థులు దరఖాస్తు చేసుకున్నారని చెప్పారు. విద్యార్థులు సకాలంలో పరీక్ష కేంద్రానికి చేరుకోవాలని పేర్కొన్నారు.
ప్రకాశం: మద్దిపాడు మండలం గుండ్లాపల్లి గ్రోత్ సెంటర్లో శుక్రవారం రాత్రి అగ్ని ప్రమాదం జరిగింది. పోకూరి కృష్ణమోహన్‌కి చెందిన ఖాళీ స్థలంలో ఉన్న ప్లాస్టిక్ వేస్ట్ మెటీరియల్ మంటల్లో కాలిపోయింది. అద్దంకి అగ్నిమాపక సిబ్బంది ఫైర్ ఇంజన్‌తో వచ్చి మంటలను ఆర్పివేశారు. రూ.40 వేల వరకు నష్టం జరిగినట్లు బాధితుడు కృష్ణమోహన్ తెలిపారు.
KDP: ప్రొద్దుటూరు సబ్ డివిజనల్ పోలీసు అధికారిగా భావనను నియమిస్తూ ఉన్నత అధికారులు ఉత్తర్వులు జారీ చేశారు. రాష్ట్రవ్యాప్తంగా పలువురు DSPలను బదిలీ చేస్తూ డీజీపీ ద్వారక తిరుమలరావు ఆదేశాలు ఇచ్చారు. ఇక్కడ పనిచేస్తున్న పూర్వపు DSPని రాష్ట్ర ప్రభుత్వం బదిలీ చేయడంతో నూతన డీఎస్పీగా పూతి భావనను నియమించారు.
SKLM: నరసన్నపేట మండల కేంద్రంలో జిల్లా కలెక్టర్ స్వప్నిల్ దినకర్ శనివారం పర్యటించనున్నారు. స్థానిక ఎమ్మెల్యే బగ్గు రమణమూర్తితో కలిసి తహసీల్దార్ కార్యాలయం వద్ద స్వచ్ఛ ఆంధ్ర దివాస్ కార్యక్రమాన్ని ప్రారంభిస్తారు. అనంతరం చెత్త సేకరణ పరిశీలిస్తారని ఎంపీడీవో మధుసూదనరావు ప్రకటనలో తెలిపారు.
కడప: శుక్రవారం జమ్మలమడుగు మండలం గూడెంచెరువు గ్రామానికి చెందిన రైతు గుడ్ల నగేష్‌కు చెందిన గొర్రె రెండు తలల గొర్రె పిల్లకు జన్మనిచ్చింది. రైతు గుడ్ల నగేశ్ పశు సంవర్ధక శాఖ వైద్యులను సంప్రదించారు. గ్రామంలోని రైతులు, ప్రజలు ఈ గొర్రె పిల్లను చూసేందుకు ఆసక్తి చూపారు. రెండు తలలతో గొర్రె పిల్ల జన్మించడం చాలా అరుదని స్థానికులు తెలిపారు.
విశాఖ ఉక్కు రెక్కల ఆయుధాలతో రాష్ట్రం కొత్త శిఖరాలకు ఎదుగుతుందని మంత్రి నారా లోకేశ్‌ అన్నారు. ఈ సందర్భంగా కేంద్ర నిర్ణయం లక్షలాది జీవితాలను మారుస్తుందన్నారు. అనంతరం కూటమి ప్రభుత్వం సత్ఫలితాలు కనిపిస్తున్నాయని వ్యాఖ్యానించారు. కేంద్రం ప్యాకేజీతో విశాఖ ఉక్కుకు పూర్వవైభవం వస్తుందని ఆశాభావం వ్యక్తం చేశారు.
విశాఖ స్టీల్ ప్లాంట్ ఎప్పటికీ రూ.35 వేల కోట్ల రూపాయలు నష్టాల్లో ఉందని కేంద్ర ఉక్కు శాఖ మంత్రి కుమారస్వామి అన్నారు. 18 వేల కోట్ల రూపాయలు బ్యాంకులో రుణాలతో పాటు రూ.17 వేల కోట్ల ముడి సరుకు సరఫరా చేసిన సంస్థలకు బకాయిలు ఉన్నాయని ఆయన పేర్కొన్నారు. విశాఖ స్టీల్ నష్టాలను పూర్తిస్థాయిలో అధిగమించేందుకు ఇంకా ప్రయత్నాలు చేస్తామని కుమారస్వామి తెలిపారు.
విశాఖ స్టీల్ ప్లాంట్ ప్రైవేటీకరణను కేంద్ర ప్రభుత్వం ఉపసంహరించుకోవాలని స్టీల్ సీఐటీయు గౌరవ అధ్యక్షులు అయోధ్యరాం డిమాండ్ చేశారు. శుక్రవారం స్టీల్ ప్లాంట్ వద్ద మాట్లాడుతూ.. స్టీల్ ప్లాంట్‌కు కేంద్ర ఆర్థిక ప్యాకేజీ అందించడం ప్రజల విజయంగా పేర్కొన్నారు. స్టీల్ ప్లాంట్‌ను సెయిల్ విలీనం చేయాలన్నారు. అలాగే సొంత గనులు కేటాయించాలన్నారు.
VSP: పద్మనాభం పోలీస్ స్టేషన్ పరిధిలో ఐనాడ గ్రామంలో పేకాట శిబిరంపై పోలీసులు శుక్రవారం దాడులు నిర్వహించారు. పేకాట ఆడుతున్న ఎనిమిది మందిని అరెస్టు చేసినట్లు సీఐ శ్రీధర్ తెలిపారు. ముందుగా అందిన సమాచారం మేరకు నిర్వహించిన దాడుల్లో పట్టుబడిన వారి వద్ద నుంచి రూ.12,650 నగదు స్వాధీనం చేసుకున్నట్లు తెలిపారు.
