Chandrababu Naidu Shocking Comments on AP Elections. ఏపీలో ముందస్తు ఎన్నికలు వచ్చే అవకాశం ఉందంటూ గత కొంతకాలంగా ప్రచారం జరగుతూనే ఉంది. ఈ నేపథ్యంలో చంద్రబాబు షాకింగ్ కామెంట్స్ చేశారు. రాష్ట్రంలో ముందస్తు ఎన్నికలు రావ‌డం ఖాయ‌మ‌ని స్ప‌స్టం చేశారు. ఏ క్ష‌ణంలో అయినా సీఎం వైఎస్ జగన్ ముంద‌స్తుకు వెళ్లే అవ‌కాశాలు ఉన్నాయ‌ని, ఎన్నికలు ఎప్పుడు వ‌చ్చినా ఎదుర్కొనేందుకు సిద్ధంగా ఉండాల‌ని పార్టీ శ్రేణుల‌కు చంద్రబాబు పిల‌పునిచ్చారు.
ఎన్నికలు ఎప్పుడు జ‌రిగినా తెలుగుదేశం పార్టీ విజ‌యం సాధిస్తుంద‌ని తెలిపారు. ఎన్నికలు ఎప్పుడు జ‌రిగినా రికార్డు స్థాయిలో 160 సీట్లు గెలుచుకుంటామ‌ని ధీమాను వ్య‌క్తం చేశారు. వైసీపీ ఎమ్మెల్యేలలో సుమారు 75 మంది అసంతృప్తితో ఉన్నార‌ని, వీరంతా ఆ పార్టీ నుండి ఏ క్ష‌ణంలో అయినా బయటకు వ‌స్తార‌ని అన్నారు.
అంతేకాకుండా, ఆ పార్టీని కేసులు చుట్టుముడుతున్నాయ‌ని, సీఎం వైఎస్ జగన్ సైతం కేసుల్లో ఇరుక్కునున్నార‌ని ఎద్దేవా చేశారు. రాష్ట్రంలో అభివృద్ధి ఎక్క‌డ వేసిన గొంగ‌లి అక్క‌డే అన్న చందాన మారిపోయింద‌ని, ఇప్పుడున్న ప‌రిస్థితుల్లో ప‌రిపాల‌న సాగించ‌డం జ‌గ‌న్‌కు అత్యంత క‌ష్టంగా మారింద‌ని అన్నారు. డ‌బ్బులు లేకుండా ఎక్కువ రోజులు న‌డ‌వ‌ని ప‌రిస్థితులు ఏర్ప‌డ్డాయ‌ని చంద్రబాబు విమ‌ర్శించారు.
