పవన్ కల్యాణ్ ఫ్యాన్స్ ఎప్పుడెప్పుడా అని ఎదురుచూస్తున్న అన్ స్టాపబుల్ బాలయ్య విత్ పవన్ కల్యాణ్ ప్రొమో పార్ట్ 2 వచ్చేసింది. ఈ ప్రొమోలో పవన్ కల్యాణ్ ను బాలకృష్ణ క్రేజీ ప్రశ్నలు అడిగారు. అసలు జేబులో చేతులు ఎందుకు పెట్టుకుంటారని బాలయ్య అడిగి..మళ్లీ ఎవరిని కొట్టకుండా ఆపుకోవడానికే పెట్టుకుంటున్నారా అని NBK చమత్కరిస్తాడు. ఆ తర్వాత కారుపైన కూర్చుని వెళ్లడం గొడవ ఎంటి? టీడీపీతో పొత్త పెట్టుకుంటారా? అసలు మీరు పార్టీ ఎందుకు మొదలు పెట్టారు? మీ మ్యానిఫెస్టో పూర్తిగా జనాల్లోకి వెళ్లలేదా? మీ ఫ్యాన్స్ మీకు ఎందుకు ఓటు వేయడం లేదు వంటి అనేక ప్రశ్నలకు బాలయ్య పవన్ కు సంధించారు.
ఇక పవన్ కల్యాణ్ రాష్ట్రంలో అధికార యంత్రాంగం మరి హద్దులు దాటేసిందన్నారు. కార్లలో వెళ్లకూడదు, కారు నుంచి బయటకు రాకూడదు, రూంలో కూర్చొకూడదంటూ చెప్పుకొచ్చారు. ప్రాథమిక హక్కులు గురించి పట్టించుకుంటారు కానీ, ప్రాథమిక భాధ్యతల గురించి పట్టించుకునేవారే లేరని పవన్ అన్నారు. ఆ క్రమంలో మధ్యలో డైరెక్టర్ క్రిష్ ఎంట్రీ ఇస్తాడు. బాలకృష్ణ, పవన్ కల్యాణ్ ఇద్దరితో పనిచేశారు కాదా. మా ఇద్దరి మధ్యలో తేడా ఎంటని బాలయ్య క్రిష్ ను అడుగగా..ఒక సింహం, ఒక పులి మధ్యలో నా తల ఉందని క్రిష్ క్రేజీగా సమాధానం చెప్పాడు.
పవన్ సినిమాలు మానేసి ప్రజాసేవకు ప్రాధాన్యం ఇవ్వాలి అనగానే ఆడియన్స్ యస్ అంటూ ఫ్లకార్డులు చూపించడం వీడియోలో చూడవచ్చు. ఇక ప్రొమో చివరిలో అణువును కూడా ఇరుకున పెడితే అణుబాంబు అవుతుందని బాలకృష్ణ చెప్పిన డైలాగ్ అదిరిందని చెప్పవచ్చు. మొత్తంగా ప్రొమో వీడియో సూటి సూటి ప్రశ్నలతో ఉత్కంఠభరింతంగా ఉంది. ఈ పవర్ ఫుల్ ప్రొమోపై మీరు కూడా ఓసారి లుక్కేయండి మరి.
