తెలంగాణ ఎన్నికలు (Telangana Elections) ముగిశాయి. రేపు ఎన్నికల ఫలితాలు వెలువడనున్నాయి. ఈ తరుణంలో ఎగ్జిట్ పోల్స్ (Exit Polls) అన్నింటిలోనూ కాంగ్రెస్ పార్టీ పైచేయి సాధించింది. దీంతో టీపీసీసీ అధినేత, మల్కాజ్ గిరి ఎంపీ రేవంత్ రెడ్డి (Revanth Reddy) ఇంటికి భారీగా నాయకులు, కార్యకర్తలు తరలి వెళ్తున్నారు. ఈ తరుణంలో హైదరాబాద్ లోని ఆయన ఇంటి వద్ద భారీగా పోలీసు భద్రతను అధికారులు పెంచారు. పోలీసులు అధిక సంఖ్యలో మోహరించడంతో ఆయన ఇంటి వద్ద నిఘా వ్యవస్థ కూడా పెరిగింది.
రేవంత్ రెడ్డి చేసిన ట్వీట్:
ధన్యవాదాలు..
తెలంగాణ శాసనసభ ఎన్నికల్లో కాంగ్రెస్ గెలుపు కోసం శ్రమించిన, సహకరించిన నాయకులు, కార్యకర్తలు, మిత్రులు, అభిమానులు, శ్రేయోభిలాషులు ప్రతి ఒక్కరికి పేరు పేరునా ధన్యవాదాలు.
గడచిన పదేళ్లుగా అడుగడుగునా అణచివేతలు, దాడులు, కేసులకు వెరవకుండా కాంగ్రెస్ చేసిన పోరాటంలో మీరంతా… pic.twitter.com/4VPl4X5uCW
— Revanth Reddy (@revanth_anumula) December 1, 2023
కాంగ్రెస్ పార్టీ (Congress Party) తెలంగాణ అసెంబ్లీ ఎన్నికల్లో గెలిస్తే సీఎం అభ్యర్థి రేవంత్ రెడ్డి అనే ప్రచారం జోరుగా సాగుతుండటంతో ఆయన్ని కలిసేందుకు చాలా మంది క్యూకడుతున్నారు. ప్రస్తుతం ఆయన నివాసానికి పార్టీ శ్రేణులు అధిక సంఖ్యలో చేరుకుంటున్నారు. అందుకే ఇంటెలిజెన్స్ వర్గాల సమాచారం ప్రకారం రేవంత్ రెడ్డికి అధికారులు భద్రతను పెంచినట్లు (Security Increases) తెలిపారు.
చదవండి: BJP Office : తెలంగాణ బీజేపీ ఆఫీసులో వాస్తు మార్పులు
మరోవైపు ఎన్నికల్లో కాంగ్రెస్ పార్టీ (Congress Party) గెలుపు కోసం శ్రమించిన ప్రతి ఒక్కరికీ రేవంత్ రెడ్డి ధన్యవాదాలు తెలిపారు. ఈ మేరకు ఆయన ఎక్స్‌లో ట్వీట్ చేస్తూ..గత పదేళ్లుగా అడుగడుగునా అణచివేతలు, దాడులు, కేసులకు భయపడకుండా కాంగ్రెస్ పార్టీ చేసిన పోరాటంలో భాగమైన అందరికీ ఆయన ధన్యవాదాలు తెలిపారు. ప్రజల పక్షాన నిటారుగా, నికార్సుగా నిలబడి పోరాడారని కొనియాడారు. వారి శ్రమ, కష్టం వృథా కాలేదని, తెలంగాణ ప్రజాస్వామ్య పునరుద్ధరణలో కాంగ్రెస్ నాయకులు, కార్యకర్తల పాత్ర మరువలేనిదని అన్నారు. ప్రతి ఒక్కరికీ ధన్యవాదాలు, అభినందనలను తెలియజేశారు.
