PM Modi Call To People Defeat CM KCR And Revanth Reddy
KCR, Revanth: మోడీ గ్యారెంటీ అంటే గ్యారెంటికీ గ్యారెంటి అని ప్రధాని మోడీ అన్నారు. తెలంగాణలో బీజేపీ అధికారంలోకి వచ్చిన వెంటనే బీసీని సీఎం చేస్తానని మరోసారి స్పష్టంచేశారు. కామారెడ్డిలో నిర్వహించిన బీజేపీ బహిరంగ సభలో పాల్గొన్నారు. ప్రధాని మంత్రి పదవీని బీసీ చేపట్టేందుకు కారణం బీజేపీయేనని స్పష్టంచేశారు. కేంద్ర మంత్రివర్గంలో అత్యధిక బీసీలకు అవకాశం ఇచ్చామని గుర్తుచేశారు.
చదవండి: Congress కట్టించిన స్కూళ్లు, కాలేజీల్లో కేసీఆర్ చదివారు: రాహుల్ గాంధీ
తెలంగాణ ప్రజల్లో ఆశలు కనిపిస్తున్నాయని మోడీ అన్నారు. ఇది మార్పునకు నిదర్శనం అని చెప్పారు. చెప్పింది బీజేపీ చేసి తీరుతుందని స్పష్టంచేశారు. ఆర్టికల్ 370, ట్రిపుల్ తలాక్, మహిళలకు 33 శాతం రిజర్వేషన్లు, రైతులకు గిట్టుబాటు ధర, సైనికులకు వన్ ర్యాంక్ వన్ పెన్షన్, రామ మందిర నిర్మాణం.. ప్రతి హామీ నిలబెట్టుకున్నామని తెలిపారు. తెలంగాణలో పసుపు బోర్డు, గిరిజన వర్సిటీ హామీలు ఇచ్చి, నెరవేర్చబోతున్నామని ప్రకటించారు.
నీటి పారుదల ప్రాజెక్టులు బీఆర్ఎస్ పార్టీకి (BRS Party) ఏటీఎంలా (atm) పనిచేస్తున్నాయని మోడీ విమర్శించారు. ఆ పార్టీకి డబ్బులు అవసరం అయితే కొత్త పథకాలు వస్తాయని చెప్పారు. ఆ పార్టీపై యువత కోపంగా ఉందన్నారు. పార్టీ, కూటమి పేరు మారినంత మాత్రాన చేసిన అవినీతి పోదన్నారు. తెలంగాణ రైతుల నుంచి బాయిల్డ్ రైస్ కొనుగోలు చేస్తామని చెప్పారు.
అసెంబ్లీ ఎన్నికల్లో తమ పార్టీకి అధికారం కట్టబెట్టాలని కోరారు. అధికారం అప్పగిస్తే ఇచ్చిన హామీలను నెరవేరుస్తామని స్పష్టంచేశారు.
