HimanshU Rao Praises His Grandfather Rule In Telangana
Himanshu Rao: తెలంగాణ అసెంబ్లీ ఎన్నికల ప్రచారంలో అధికార బీఆర్ఎస్ పార్టీ దూసుకెళుతోంది. అభ్యర్థులకు బీ ఫామ్స్ ఇచ్చి.. మేనిఫెస్టో రిలీజ్ చేసిన బీఆర్ఎస్ అధినేత కేసీఆర్.. నిన్న హుస్నాబాద్ సభతో ప్రచార శంఖారావాన్ని పూరించారు. ఈ రోజు వరసగా బహిరంగ సభల్లో పాల్గొంటారు. సీఎం కేసీఆర్ మనవడు హిమాన్హు రావు (HimanshU Rao) అమెరికాలో చదువుకుంటున్నారు. తన తాత పాలన గురించి ట్వీట్ చేశారు.
కేసీఆర్ పాలనతో సమస్యలు పోయాయని తెలిపారు. రాష్ట్రంలో పదేళ్లలో వందేళ్ల అభివృద్ది జరిగిందని వివరించారు. ఈ మేరకు ట్వీట్ చేశారు. రాష్ట్రంలో పారదర్శక, సమర్థవంత, ప్రభావశీల పాలన సాగుతోంని పేర్కొన్నారు. అన్ని రంగాల్లో సమ్మిళిత అభివృద్ధి, సామాజిక అభ్యున్నతి జరుగుతోందని వివరించారు. నల్గొండలో ఫ్లోరోసిస్, పాలమూరులో వలసలు, విద్యుత్ సంక్షోభం, రైతుల ఆత్మహత్యలు, తాగునీటి, సాగునీటి కొరత, వివక్ష, హైదరాబాద్లో అల్లర్లు, శాంతి భద్రతల సమస్యలు, శిశు మాతా మరణాలు లేకుండా పోయాయని పేర్కొన్నారు.
“ఒక దశాబ్ది కాలం లో శతాబ్ది అభివృద్ధి” a perfect statement about KCR Garu’s model of transparency, efficiency and effective governance which consists of cumulative growth in all sectors, be it industrial or agricultural revolution, economic development or social empowerment,… pic.twitter.com/Tv14KiH0fG
నాణ్యమైన విద్య, మెరుగైన వైద్య సేవలు అందరికీ అందుబాటులోకి వచ్చాయని తెలిపారు. సబ్బండ వర్గాలు ఉన్నతికి బీఆర్ఎస్ పార్టీ పాటు పడుతోందని చెప్పారు. దీంతో అంతా కార్ రావాలి.. కేసీఆర్ గెలవాలి అంటున్నారని హిమాన్షు రావు రాసుకొచ్చారు. అసెంబ్లీ ఎన్నికల్లో నేతలు బిజీగా ఉన్నారు. సోషల్ మీడియా వేదికగా హిమాన్షు ట్వీట్ చేశారు.