తెలంగాణలో పొలిటికల్ హీట్ ఎక్కువైంది. అసెంబ్లీ ఎన్నికలకు నవంబరు 30న పోలింగ్ జరగనుండటంతో ప్రధాన పార్టీలన్నీ ప్రచారాలు చేయడానికి సిద్ధమయ్యాయి. కాంగ్రెస్ అభ్యర్థుల ప్రచారాలు కూడా జోరందుకోనున్నాయి. ఈ నేపథ్యంలో ఆ పార్టీ అగ్రనేతలు రాహుల్ గాంధీ, ప్రియాంక గాంధీ వాద్రా తెలంగాణకు రానున్నారు.
చదవండి: Kishan Reddy: కేసీఆర్ సకలజనుల ద్రోహీ..మళ్లీ వెన్నుపోటు పొడుస్తాడు
తెలంగాణలో రాహుల్, ప్రియాంకలు మూడు రోజుల పాటు పర్యటించనున్నారు. ఈ నెల 18, 19, 20వ తేదీల్లో రాహుల్, ప్రియాంకల పర్యటన సాగుతుందని కాంగ్రెస్ వర్గాలు తెలిపాయి. ఈ సందర్భంగా తెలంగాణ కాంగ్రెస్ వ్యవహారాల ఇన్‌ఛార్జ్ మాణిక్ రావ్ ఠాక్రే మాట్లాడుతూ.. అక్టోబరు 18న ములుగు నుంచి కాంగ్రెస్ బస్సు యాత్ర ప్రారంభం కానుందని వెల్లడించారు.
చదవండి: Telangana: హైదరాబాద్‌లో ఖాళీ అవుతోన్న కోచింగ్ సెంటర్లు..నిరుద్యోగుల ఆశలు ఆవిరి!
మహిళా డిక్లరేషన్ లో భాగంగా రాహుల్ గాంధీ, ప్రియాంకలు ప్రజలనుద్దేశించి ప్రసంగిస్తారన్నారు. కరీంనగర్, పెద్దపల్లిలో పాదయాత్ర, బహిరంగ సభల్లో వాళ్లిద్దరూ పాల్గొంటారని తెలిపారు. జగిత్యాల, ఆర్మూర్ లో రైతులతో రాహుల్ సమావేశం ఉంటుందని, నిజామాబాద్ లో పాదయాత్ర, బహిరంగ సభ ఉంటాయని ఠాక్రే వివరించారు.
