12 Killed As Mini-Bus Hits Container On Samruddhi Expressway
Mini-Bus Hits Container: మహారాష్ట్రలో ఘోర ప్రమాదం జరిగింది. సముద్రి ఎక్స్‌ప్రెస్ వే పైన కంటైనర్- మినీ బస్సు ఢీకొన్నాయి. ఈ ప్రమాదంలో 12 మంది చనిపోయారు. 23 మందికి పైగా గాయపడ్డారు. క్షతగాత్రులను సమీపంలోని ఆస్పత్రికి తరలించి చికిత్స అందిస్తున్నారు. ప్రమాదం జరిగిన సమయంలో మినీ బస్సు వేగంగా ఉందని.. అందులో 35 మంది ప్రయాణిస్తున్నారని పోలీసులు తెలిపారు.
చదవండి: Governor tamilisai: ప్రవల్లిక మృతిపై 48 గంటల్లో నివేదిక ఇవ్వాలి
ఔరంగబాద్ (ఛత్రపతి శాంబాజీనగర్ జిల్లా)లో వైజాపూర్ వద్ద రాత్రి 12.30 గంటలకు ప్రమాదం జరిగిందని వివరించారు. బస్సు డ్రైవర్ నియంత్రణ కోల్పోయాడని.. వెనక వస్తోన్న కంటైనర్ బస్సును ఢీ కొందని పోలీసులు తెలిపారు. చనిపోయిన వారిలో ఐదుగురు పురుషులు, ఆరుగురు మహిళలు, ఓ మైనర్ బాలిక ఉందని చెప్పారు. 23 మందిని సమీపంలోని ప్రభుత్వ ఆస్పత్రికి తరలించామని చెప్పారు. ఔరంగబాద్‌కు చెందిన ప్రయాణికులను నాసిక్, బాబా తీర్థం యాత్రకు టెంపోలో వెళ్లారు. దర్శనం పూర్తి చేసుకుని.. తిరిగి వస్తోండగా ప్రమాదం జరిగింది.
