Pawan Kalyan in full swing
Pawan Kalyan: రీ ఎంట్రీ తర్వాత ఏడెనిమిది సినిమాలు కమిట్ అయ్యాడు పవన్ కళ్యాణ్. వాటిలో మూడు సినిమాలు రిలీజ్ అయ్యాయి. వకీల్ సాబ్, భీమ్లా నాయక్, బ్రో.. ఈ సినిమాలు మంచి విజయాన్ని అందుకున్నాయి. ప్రస్తుతం మరో మూడు సినిమాలు సెట్స్ పై ఉన్నాయి. ఓజి, ఉస్తాద్ భగత్ సింగ్, హరిహర వీరమల్లు షూటింగ్ స్టేజ్‌లో ఉన్నాయి. అలాగే సురేందర్ రెడ్డితో ఓ సినిమా కమిట్ అయ్యాడు. అయితే ఏపిలో ఎలక్షన్స్ దగ్గర పడుతుండడంతో పవన్ ఈ సినిమాలను కంప్లీట్ చేస్తాడా? అనే సందేహాలు ఉండేవి. కానీ ఇప్పుడు పవన్ స్పీడ్ చూసి పండగ చేసుకుంటున్నారు అభిమానులు.
చదవండి: Vijay Devarakonda: వంద కుటుంబాలకు కోటి ఇచ్చిన రౌడీ హీరో!
గత మూడు రోజుల క్రితం చంద్రబాబు స్కిల్ డెవలప్మెంట్ స్కామ్‌లో అరెస్ట్ అవడంతో ఉస్తద్ భగత్ సింగ్ షూటింగ్ స్పాట్ నుంచే విజయవాడకు బయల్దేరాడు పవన్. దీంతో షూటింగ్‌కు బ్రేక్ పడిందనుకున్నారు. కానీ మళ్లీ రెండు రోజులకే ఉస్తాద్ సెట్‌లో ప్రత్యక్షమయ్యాడు. అంతేకాదు.. సెట్స్ నుంచి పోలీస్ డ్రెస్‌లో ఉన్న పవర్ ఫుల్ స్టిల్స్ కూడా రిలీజ్ చేశారు మేకర్స్. మళ్లీ వెంటనే జనసేన అధినేత పవన్ కళ్యాణ్, టీడీపీ నేతలు బాలకృష్ణ, నారా లోకేష్ కలిసి.. రాజమండ్రి సెంట్రల్ జైలుకు వెళ్లి చంద్రబాబును కలిశారు. అక్కడే ప్రెస్ మీట్ పెట్టి టీడీపీతో పొత్తు పై క్లారిటీ ఇచ్చాడు పవన్. వచ్చే ఎన్నికల్లో టీడీపీ, జనసేన కలిసి వెళ్తాయని, ఈరోజే తాను నిర్ణయం తీసుకున్నానని ప్రకటించాడు. ఈ ప్రకటన తర్వాత పవన్ ‘ఉస్తాద్ భగత్ సింగ్’ షూటింగ్‌కు బ్రేక్ ఇస్తాడని అనుకున్నారు. వెంటనే పవన్ ఈ సినిమా షూటింగ్‌లో జాయిన్ అవనున్నాడని తెలుస్తోంది. దీంతో పవన్ ఇక తగ్గేదేలే అని చెప్పొచ్చు. ఇక ఉస్తాద్ సినిమాకి పవన్ కళ్యాణ్ ఎన్ని డేట్స్ ఇచ్చాడో, ఎప్పుడు షూట్ చేస్తున్నారో తెలియదు కానీ.. ఇప్పటికే ఉస్తాద్ భగత్ సింగ్ సినిమా 40% షూటింగ్ అయిపోయిందని తెలుస్తోంది. ఎలక్షన్ టార్గెట్‌గా ఈ సినిమా రిలీజ్‌కు ప్లాన్ చేస్తున్నట్టు టాక్.
