»Notification For Filling 5089 Teacher Posts Ts Trt Notification Out
TS TRT 2023: 5,089 టీచర్ పోస్టుల భర్తీకి నోటిఫికేషన్
రాష్ట్రంలో ఎప్పటి నుంచో ఎంతో ఆసక్తిగా ఎదురుచూస్తున్న టీచర్ పోస్టుల నోటిఫికేషన్(ts trt 2023) రానే వచ్చింది. 5089 ఖాళీలను భర్తీ చేసేందుకు ఈ మేరకు ప్రభుత్వం నోటిఫికేషన్ ను విడుదల చేసింది.
Notification for filling 5089 teacher posts ts trt notification out
తెలంగాణలో ఉపాధ్యాయ పోస్టుల కోసం ప్రిపేర్ అవుతున్న ఉద్యోగార్థులకు గుడ్ న్యూస్ వచ్చేసింది. రాష్ట్రంలో 5089 ఉపాధ్యాయ(teacher) పోస్టుల భర్తీకి ప్రభుత్వం నోటిఫికేష్ విడుదల చేసింది. ఈ పోస్టుల కోసం సెప్టెంబర్ 20 నుంచి అక్టోబర్ 21 వరకు దరఖాస్తులు స్వీకరించనున్నారు. నవంబర్ 20 నుంచి 30వ తేదీ వరకు ఆన్ లైన్ విధానంలో పరీక్షలు జరగనున్నాయి. హైదరాబాద్ తోపాటు మరో 11 ప్రాంతాల్లోని ఉమ్మడి జిల్లా కేంద్రాల్లో పరీక్షలు నిర్వహించనున్నట్లు నోటిఫికేషన్లో పేర్కొన్నారు.
ఈ మేరకు జిల్లాల వారీగా అందుబాటులో ఉన్న ఖాళీల రిజర్వేషన్ల జాబితాను అధికారులు విడుదల చేశారు. జిల్లా స్థాయి ఎంపిక కమిటీల ద్వారా ఈ ఉద్యోగాలను భర్తీ చేయనున్నారు. అర్హత గల అభ్యర్థులు ఎలాంటి ఇబ్బందులు లేకుండా ఉండేందుకు చివరి తేదీలోపు దరఖాస్తు చేసుకోవాలని అధికారులు సూచించారు. అభ్యర్థులు అధికారిక వెబ్సైట్ https://schooledu.telangana.gov.in నుండి దరఖాస్తు చేసుకోవచ్చు.
ఈ ఖాళీల్లో ప్రభుత్వ స్కూళ్లతోపాటు మున్సిపల్ స్కూళ్లలోని పోస్టులను కూడా భర్తీ చేయనున్నారు. డీఎస్సీ(DSC)లో భర్తీ చేసే పోస్టుల్లో స్కూల్ అసిస్టెంట్లు, సెకండరీ ఉపాధ్యాయులు, భాషా పండితులు, వ్యాయామ ఉపాధ్యాయ పోస్టులున్నాయి. ఈ పోస్టులకు అప్లై చేసే అభ్యర్థులు ఫీజు రూ.1000 ఆన్ లైన్ విధానంలో పే చేయాలి. అంతేకాదు ఒకటి కంటే ఎక్కువ పోస్టుల కోసం దరఖాస్తు చేసే అభ్యర్థులు ఫీజును వేర్వేరుగా చెల్లించాలని పేర్కొన్నారు. ఈ పోస్టులకు అప్లై చేసుకునే అభ్యర్థుల కనిష్ట వయసు 18 ఏళ్లు ఉండగా..గరిష్టంగా 44 ఏళ్లుగా ప్రకటించారు. దీంతోపాటు రిజర్వేషన్ల వారీగా సడలింపు కూడా ఉంటుంది.