ఆసియా కప్ 2023 (Asia Cup 2023) టోర్నీలో నేడు బంగ్లాదేశ్ (Bangladesh), పాక్ (Pakistan) జట్లు తలపడ్డాయి. ఈ మ్యాచ్ లో పాకిస్తాన్ ఘన విజయం సాధించింది. సూప‌ర్-4 ద‌శ‌లో పాకిస్తాన్ మొద‌టి విజ‌యాన్ని సాధించింది. లాహోర్‌లోని గ‌డాఫీ స్టేడియంలో బంగ్లాదేశ్‌తో జ‌రిగిన మ్యాచ్‌లో 7 వికెట్ల తేడాతో పాక్ విజయం పొందింది.
చదవండి: Kohli: కోహ్లీ బయోపిక్‌కు రంగం సిద్ధం.. హీరో ఎవరంటే!?
బంగ్లాదేశ్ (Bangladesh) నిర్దేశించిన 194 ప‌రుగుల ల‌క్ష్యాన్ని 39.3 ఓవ‌ర్ల‌లోనే పాక్ జట్టు (Pakistan) ఛేదించింది. మూడు వికెట్ల నష్టానికి విజయం సాధించింది. పాకిస్తాన్ బ్యాట‌ర్ల‌లో ఇమామ్ ఉల్ హక్ 78, మహ్మద్ రిజ్వాన్ 63 పరుగులు చేశారు. ఇకపోతే బంగ్లా జట్టు బౌల‌ర్ల‌లో తస్కిన్ అహ్మద్, షోరిఫుల్ ఇస్లాం, మెహిదీ హసన్ మిరాజ్‌లు తలొక వికెట్‌ను పడగొట్టారు.
చదవండి: IND vs PAK: సెప్టెంబర్ 10న భారత్-పాకిస్థాన్ మ్యాచ్ జరగనుందా? డౌటే ?
అంత‌క‌ముందు టాస్ గెలిచి మొద‌ట బ్యాటింగ్ ఎంచుకున్న బంగ్లాదేశ్ ఆరంభంలోనే చతికిలపడింది. మెహిదీ హసన్ మిరాజ్ డ‌కౌట్ అయ్యాడు. లిట‌న్ దాస్ 16, మహ్మద్ నయీమ్ 20, తౌహిద్ హృదయ్ 2 పరుగులు చేశారు. మొదటగా బంగ్లాదేశ్ 47 ప‌రుగుల‌కే 4 వికెట్లను కోల్పోయింది. సీనియ‌ర్ ఆట‌గాళ్లు అయిన ముష్ఫికర్ రహీమ్ 64, ష‌కీబ్ అల్ హసన్ 53 పరుగులతో జట్టును ఆదుకున్నారు. మొత్తానికి బంగ్లా జట్టు 193 పరుగులు మాత్రమే చేయగలిగింది.
