Whatsapp Changes Group Creation Rule
Whatsapp:వాట్సాప్‌లో (Whatsapp) మరో కొత్త ఫీచర్ రాబోతుంది. గ్రూప్ క్రియేట్ చేయడంలో కంపెనీ మార్పును తీసుకొచ్చింది. గ్రూప్ క్రియేట్ చేయాలంటే ఫస్ట్ కాంటాక్ట్స్‌లోని వారిని సెలక్ట్ చేయాలి.. అలా గ్రూపునకు పేరు పెడితే క్రియేట్ అవుతుంది. ఇకపై అలా ఉండదు. పేరు పెట్టాలనే రూల్ లేకుండా వాట్సాప్ (Whatsapp) గ్రూప్ క్రియేట్ చేయొచ్చని మెటా సీఈవో మార్క్ జుకర్ బర్గ్ తెలిపారు. అందుకు సంబంధించిన పోటోలను ఫేస్‌బుక్‌లో షేర్ చేశారు.
చదవండి: Invoice Bills: బిల్ అప్ లోడ్ చేయండి..కోటి రూపాయలు గెల్చుకోండి
ఆరుగురితో క్రియేట్ చేసే గ్రూపులకు ఇకపై పేరు లేకపోయినా ఇబ్బంది లేదు. సభ్యుల పేరు ఆధారంగా గ్రూపు పేరు మారుతుంటుంది. ప్రతీ సభ్యుడి కాంటాక్ట్ ఆధారంగా వేర్వేరుగా పేరు కనిపిస్తోంది. అవసరం అనుకుంటే తర్వాత గ్రూపునకు పేరు పెట్టే అవకాశం ఉంది. అడ్మిన్ మాత్రమే కాకుండా గ్రూపులోని సభ్యులు కూడా పేరు మార్చే వీలు ఉంది. కాంటాక్ట్ సేవ్ చేసుకోని వారికి మాత్రం పోన్ నంబర్ మాత్రమే కనిపిస్తోంది. మరికొన్ని వారాల్లో కొత్త ఫీచర్ ఆండ్రాయిడ్, ఐఫోన్ యూజర్లకు అందుబాటులోకి రానుంది.
వాట్సాప్‌లో (Whatsapp) ఎప్పటికప్పుడు కొత్త కొత్త ఫీచర్స్ తీసుకొస్తూనే ఉన్నారు. చాట్ ఎడిట్, చాట్ లాక్, వీడియో కాల్ సమయంలో స్క్రీన్ షేరింగ్, హెచ్‌డీ ఫోటో షేరింగ్ వంటి సరికొత్త ఫీచర్లను యూజర్లకు అందజేసింది. ఇప్పుడు గ్రూప్ క్రియేట్ చేయడంలో కొత్త ఆప్షన్ తీసుకొచ్చింది. వాట్సాప్‌కు టెలీగ్రామ్ యాప్ నుంచి పోటీ ఉంది. అయినప్పటికీ ఎక్కువ మంది యూజర్లు వాట్సాప్ వాడుతుంటారు. దీంతో వారికి అనుగుణంగా ఎప్పటికప్పుడు అప్ డేట్స్ ఇస్తూ ఉంటుంది.
