వెల్లుల్లితో క్యాన్సర్‌ నయం’ లేదా రేడియేషన్‌ థెరపీకి బదులు సీ విటమిన్‌ తీసుకోండి’ అంటూ ఉన్న వీడియోలను తొలగిస్తామని యూట్యూబ్‌ ప్రకటన చేసింది.తప్పుదోవ పట్టించే (Misinformation) వీడియోలకు సంబంధించి ప్రముఖ వీడియో స్ట్రీమింగ్‌ వేదిక యూట్యూబ్‌ (YouTube) సంచలన ప్రకటన చేసింది. పలు ఆరోగ్య సమస్యలు, చికిత్సలు, ఔషధాలపై అసత్య సమాచారంపై తమ విధానాలను క్రమబద్ధీకరిస్తామని పేర్కొంది. వైద్యాధికారులతోపాటు ప్రపంచ ఆరోగ్య సంస్థ (WHO) మార్గదర్శకాలకు విరుద్ధంగా ఉన్న కంటెంటును తొలగిస్తామని తెలిపింది. ‘తప్పుదోవ పట్టించే కంటెంటుపై దీర్ఘకాలిక వ్యూహాలు అమలు చేయడంపై దృష్టి సారించాం. వైద్యపరమైన అంశాల్లో నిర్మూలన, చికిత్స, నిరాకరణకు సంబంధించి ఇప్పటివరకు తమ వద్ద ఉన్న డజన్ల కొద్ది విధానాలను క్రమబద్ధీకరిస్తున్నామని తెలిపింది.
చదవండి : Upasana : క్లింకార ఫొటోలు షేర్‌ చేసిన ఉపాసన..మురిసిపోతున్న ఫ్యాన్స్
అసమర్థమైన, హానికలిగించే క్యాన్సర్‌ చికిత్స(Cancer treatment)లతోపాటు వైద్య చికిత్స తీసుకోకుండా వీక్షకులను ప్రోత్సహించే కంటెంటును తొలగించే ప్రక్రియను నేటి నుంచే ప్రారంభిస్తున్నాం. మరికొన్ని వారాల్లో వీటిని మరింత విస్తృతం చేస్తాం. క్యాన్సర్‌ బారినపడిన వ్యక్తి లేదా వారి కుటుంబ సభ్యులు.. వ్యాధి లక్షణాలు(Disease symptoms), చికిత్స వంటి అంశాలను తెలుసుకునేందుకు ఆన్‌లైన్‌లో పరిశోధిస్తారు. అటువంటి వారికి అత్యంత నాణ్యమైన కంటెంటును అందించడమే తమ లక్ష్యం’ అని యూట్యూబ్‌ వెల్లడించింది. అయితే, వైద్యశాస్త్రం(Medicine)లో వస్తోన్న పురోగతిపై చర్చలు ఎంతో కీలకమైనందున అటువంటి అధ్యయనాలకు సంబంధించి ఆధారాలను వెల్లడించే, ఫలితాలపై చర్చించే కంటెంటును మాత్రం వీటినుంచి మినహాయింపు ఉంటుందని తెలిపింది.
చదవండి : video viral : రైల్వేస్టేషన్‌లో భర్తను చితకొట్టిన భార్య.. వీడియో వైరల్
