లెజండరీ ఫుట్‌బాలర్ క్రిస్టియానో రొనాల్డో (Cristiano Ronaldo) మరోసారి తన సత్తా చాటాడు. సౌదీ అరేబియా క్లబ్ అల్ నాసర్ జట్టుకు అర‌బ్ క్లబ్ చాంపియ‌న్స్ కప్(The Arab Club Championship Cup) ట్రోఫీని రొనాల్డో అందించి సరికొత్త విజయాన్ని అందుకున్నాడు. అల్ హిలాల్ క్లబ్(Al Hilal) జట్టుతో జ‌రిగిన ఫైన‌ల్ మ్యాచ్‌లో రొనాల్డో రెండు గోల్స్‌తో విజృంభించాడు. దీంతో ఆ క్లబ్ తరపున తాను మొద‌టి ట్రోఫీని గెలిచాడు. ఈ ఏడాది త‌న‌ను భారీ ధ‌ర‌కు సౌదీ క్లబ్ కొనుగోలు చేసిన సంగతి తెలిసిందే. ఈ తరుణంలో ఆ జట్టకు గొప్ప బ‌హుమ‌తిని రొనాల్డో అందించాడు.
చదవండి: Arshiya Goswami: 8 ఏళ్లకే 62 కేజీలు ఎత్తి చిన్నారి గిన్నిస్ రికార్డు
రియాద్‌లోని కింగ్ ఫ‌హ‌ద్ స్టేడియం(King Fahd International Stadium)లో ఈ మ్యాచ్ జరిగింది. అల్ హిలాల్, అల్ నాసర్ జ‌ట్ల మ‌ధ్య రసవత్తర పోరు నెలకొంది. ఆట ప్రారంభమైన 71వ నిమిషంలో అల్ హిలాల్ జట్టు మొద‌టి గోల్ చేయడం విశేషం. రొనాల్డో 74వ నిమిషంలో గోల్ కొట్టి స్కోర్‌ను సమం చేశాక, 98వ నిమిషంలో రెండో గోల్ కొట్టి జట్టుకు 2-1తో విక్టరీని అందించాడు.
చదవండి: Rohit Sharma: తిరుమల శ్రీవారిని దర్శించుకున్న రోహిత్ శర్మ..వీడియో వైరల్
గత ఏడాది ఫిఫా వరల్డ్ కప్ తర్వాత అల్ నాసిర్ క్లబ్‌తో రొనాల్డో ఒప్పందం చేసుకున్న సంగతి తెలిసిందే. అయితే గత సీజన్లో అంతగా రాణించలేకపోయాడు. సౌదీ ప్రో లీగ్ జట్టు ప్రో లీగ్‌లో ఆ టీమ్ రన్నరప్‌గా నిలిచి నిరాశపరిచింది. అయితే ఈసారి మాత్రం రొనాల్డో విజృంభించాడు. తన ప్రత్యర్థి జట్టును ఓడించాడు. ఫుట్ బాల్ లెజెండ్ అని నిరూపించుకున్నాడు.
