Rain alert for Telangana next three days rains
Heavy Rain: హైదరాబాద్‌లో భారీ వర్షం కురుస్తోంది. మరికొన్ని గంటల్లో సిటీ మొత్తం వర్షం విస్తరించే అవకాశం ఉంది. ప్రజలు ఇళ్లలోనే ఉండాలని.. అత్యవసరం అయితేనే బయటకు రావాలని అధికారులు సూచించారు. కొన్నిచోట్ల ఉరుములు, మెరుపులతో కూడిన వర్షం పడుతోంది. గత వారం రోజుల నుంచి ఎడతెరపి లేకుండా వర్షం పడుతోన్న సంగతి తెలిసిందే. అల్వాల్, మాదాపూర్, జూబ్లీహిల్స్, యూసుఫ్ గూడ, బోరబండ, వివేకానందనగర్, అల్లాపూర్, జగద్గిరిగుట్ట, కూకట్ పల్లిలో భారీ వర్షం పడుతోంది. యాదగిరిగుట్ట, యాచారం, ఘట్ కేసర్, సదాశివపేట్, ఆదిభట్ల, చౌటుప్పల్‌లో కూడా వాన పడుతోంది.
చదవండి: VRA పే స్కేల్ ఇదే.. జీవో జారీచేసిన సర్కార్
వచ్చే మూడు రోజులు రాష్ట్రంలో భారీ నుంచి అతి భారీ వర్షాలు కురుస్తాయని వాతావరణ శాఖ తెలిపింది. వర్షాల నేపథ్యంలో రెడ్ అలర్ట్ జారీ చేసింది. 25, 26, 27వ తేదీల్లో రాష్ట్రంలో భారీ నుంచి అత్యంత భారీ వర్షాలు కురిసే అవకాశం ఉందని పేర్కొంది. గంటకు 40 నుంచి 50 కిలోమీటర్ల వేగంతో ఈదురుగాలులు వీస్తాయని వాతావరణ శాఖ హెచ్చరించింది.
వర్షం పడటంతో అనవసరంగా బయటకు రావొద్దని డీఆర్ఎఫ్ బృందాలు హెచ్చరించాయి. అత్యవసర పరిస్థితుల్లో సహాయక చర్యల కోసం 040-2111 111, 90001 12667 నంబర్‌కి కాల్ చేయాలని గ్రేటర్ అధికారులు కోరారు.
