పోర్ట్ ఆఫ్ స్పెయిన్, ట్రినిడాడ్లో ఈరోజు రాత్రి 7.30 గంటలకు ఇండియా, వెస్టిండీస్‌ జట్ల మధ్య రెండో టెస్ట్ మొదలు కానుంది. ఈ మ్యాచులో విరాట్ కోహ్లీ(Virat kohli)అరుదైన ఘనతను సాధించాడు. ఇప్పటివరకు కోహ్లీ 499 అంతర్జాతీయ మ్యాచ్‌లు ఆడాడు. ఇప్పుడు ఈ మ్యాచ్ ఆడటం ద్వారా 500 ఇంటర్నేషనల్ మ్యాచులు ఆడిన ఆడగాడిగా విరాట్ రికార్డు సృష్టించాడు. విరాట్ ప్రపంచవ్యాప్తంగా ఈ మైలురాయిని సాధించిన 10వ అంతర్జాతీయ ఆటగాడు కాగా.. దేశంలో సచిన్ టెండూల్కర్ (664 ప్రదర్శన), ఎంఎస్ ధోని (538), ‘ది వాల్’ రాహుల్ ద్రవిడ్ (509) తర్వాత 500 మార్క్‌ను చేరుకున్న 4వ ఆటగాడిగా నిలిచాడు. కోహ్లీ ఇప్పటికే 75 సెంచరీలు, 131 అర్ధసెంచరీలతో 53.48 సగటుతో మొత్తం 25,461 పరుగులు చేశాడు. అంతర్జాతీయ క్రికెట్‌లో అత్యధిక పరుగులు చేసిన భారత రెండో ఆటగాడిగా నిలిచాడు. ఈ మాజీ కెప్టెన్ భారత జట్టు తరఫున ఇప్పటివరకు 110 టెస్టులు, 115 టీ20లు, 274 వన్డేలు ఆడాడు.
ఇదిలా ఉండగా విరాట్ కోహ్లి సాధించిన ఘనతపై భారత క్రికెట్ నియంత్రణ మండలి (BCCI) గురువారం ఉదయం ట్విట్టర్‌లో విరాట్ కోహ్లీకి అభినందనలు తెలియజేసింది. “ప్రయాణాన్ని మెచ్చుకోవడానికి 500 కారణాలు! #TeamIndia కోసం 500వ అంతర్జాతీయ మ్యాచ్‌లో విరాట్ కోహ్లీకి అభినందనలు” అని BCCI ట్విట్టర్‌లో పోస్ట్‌ చేస్తూ వెల్లడించింది.
500 reasons to admire the journey!
Congratulations to Virat Kohli on his 5️⃣0️⃣0️⃣th international match for #TeamIndia 🇮🇳🫡#WIvIND | @imVkohli pic.twitter.com/Y9lez80Q97
— BCCI (@BCCI) July 20, 2023
టీమిండియా ప్రధాన కోచ్ రాహుల్ ద్రవిడ్ విరాట్ కోహ్లీ సాధించిన విజయాన్ని ప్రశంసించారు. అతను ఈ జట్టులోని చాలా మంది ఆటగాళ్లకు నిజమైన ప్రేరణ అని పేర్కొన్నాడు. భారత మాజీ కెప్టెన్ విరాట్ కోహ్లీ, ఆల్ టైమ్ గ్రేటెస్ట్ ప్రపంచవ్యాప్తంగా ఎందరో వర్ధమాన క్రికెటర్లకు స్ఫూర్తిగా నిలిచాడని వెల్లడించారు. దీంతోపాటు కోహ్లీ ఆట తీరుపై పలువురు అభినందనలు చేస్తూ సోషల్ మీడియా వేదికగా ట్వీట్లు చేస్తున్నారు.
ఇది కూడా చూడండి: Asia Cup IND Vs PAK: ఆసియాకప్‌లో దాయాది దేశాలు.. సెప్టెంబర్‌ 4న భారత్-పాక్‌ మ్యాచ్
