బాలీవుడ్ హీరో సుశాంత్‌రాజ్ పుత్ (Sushantraj Puth) మృతిపై మహారాష్ట్ర ఉప ముఖ్యమంత్రి దేవేంద్ర ఫడ్నవీస్ సంచలన వ్యాఖ్యలు చేశారు. ఈ కేసుకు సంబంధించిన సాక్ష్యాలను సేకరించినట్లు తెలిపారు. తాజాగా ఓ మీడియా ఛానెల్‌కు ఇచ్చిన ఇంటర్వ్యూలో ఫడ్నవీస్ మాట్లాడుతూ ఈ కేసులో ప్రాథమిక సమాచారం అంతా వాళ్లు వీళ్లు చెప్పిన మాటల ఆధారంగానే ఉంది. కానీ ఆ తర్వాత ఈ కేసుకు సంబంధించి కొంత మంది తమ వద్ద బలమైన సాక్ష్యాలు ఉన్నాయని చెప్పారని వాటిపై తాము చర్యలు తీసుకున్నామన్నారు. 2020 జూన్‌లో సుశాంత్ సింగ్ రాజ్‌పుత్‌.. ముంబయి(Mumbai)లోని తన అపార్ట్‌మెంట్‌లో విగతజీవిగా కనిపించారు.
చదవండి : UP : వృద్ధురాలి జీవితంలో వెలుగులు నింపిన ఆఫీసర్ అనుకృతి శర్మ
తొలుత ఆయన ఆత్మహత్య (Suicide) చేసుకున్నారని వార్తలు వచ్చాయి. కానీ ఇందులో కుట్ర కోణం ఉందని ఆయన కుటుంబసభ్యులు ఆరోపించారు. దీంతో ఈ కేసులో సీబీఐ (CBI) దర్యాప్తు చేపట్టింది. మరోవైపు సుశాంత్ మరణానికి వారం రోజుల ముందే ఆయన మాజీ మేనేజర్‌ దిశా సాలియన్‌ (Disha Salian) అనుమానాస్పద పరిస్థితుల్లో మృతిచెందారు. తీవ్ర సంచలనం సృష్టించిన ఈ కేసులో కుట్ర కోణం ఉందనే ఆరోపణలు రావడంతో ఈ కేసును సీబీఐకి అప్పగించారు. మూడేళ్లు గడిచినా ఈ కేసులో ఎలాంటి పురోగతి రావడం లేదనే విమర్శలు ఉన్నాయి. ఇలాంటి పరిస్థితుల్లో ఫడ్నవీస్ వ్యాఖ్యలు హాట్ టాపిక్ అయ్యాయి.
చదవండి : రేషన్ షాపుల్లో టిన్ ప్లేట్లు చెబుతాయి.. ఉచిత రేషన్ ఎవరు ఇస్తున్నారో ?
