ఎంఎం కీరవాణి(MM Keeravani) తనయుడు శ్రీసింహ(Srisimha) ‘మత్తు వదలరా’ సినిమాతో తెలుగు తెరపైకి ఎంట్రీ ఇచ్చాడు. ఆ తర్వాత ‘తెల్లవారితే గురువారం’ అనే సినిమాతో ప్రేక్షకుల ముందుకు వచ్చాడు. ఈ రెండు సినిమాల తర్వాత సర్వైవల్ థ్రిల్లర్ సినిమా ‘దొంగలున్నారు జాగ్రత్త’ చేశాడు. ఆ మూవీ కూడా బాక్సాఫీస్ వద్ద విజయాన్ని అందుకోలేకపోయింది. ప్రస్తుతం శ్రీసింహ ‘భాగ్ సాలే’ సినిమా(Bhaag saale)తో థియేటర్లలో సందడి చేయనున్నాడు.
‘భాగ్ సాలే’ ట్రైలర్ :
ఇప్పటికే ‘భాగ్ సాలే’ మూవీ(Bhaag saale Movie) నుంచి టీజర్ రిలీజ్ అయ్యి మంచి బజ్‌ను క్రియేట్ చేసింది. తాజాగా ఈ మూవీ ట్రైలర్‌ను మేకర్స్ రిలీజ్(Trailer Release) చేశారు. ఈ మూవీలో హీరో ఒక చెఫ్‌గా కనిపించనున్నాడు. మధ్యతరగతి నుంచి వచ్చిన అతను ఓ పెద్ద బ్యాక్ గ్రౌండ్ నుంచి వచ్చిన అమ్మాయితో ప్రేమలో పడటమే ఈ మూవీ కథాంశం.
చదవండి: Rudrangi Trailer: జగపతిబాబు ‘రుద్రంగి’ ట్రైలర్ రిలీజ్
డైమండ్ ఉండే ఓ విలువైన రింగ్ చుట్టూ ఈ సినిమా సాగుతుందని మేకర్స్ తెలిపారు. ఆ రింగుకు హీరో ఫ్యామిలీకి లింక్ ఏంటనేది తెలియాలంటే సినిమా చూడాల్సిందే. పొద్దున్నే తిన్నోడు మధ్యాహ్నం తినక మానడు… మధ్యాహ్నం తిన్నోడు రాత్రికి తినకమానడు ఇదెప్పుడు రన్నింగ్‌లో ఉండే బిజినెస్‌ నాన్న అనే డైలాగ్ అందర్నీ ఆకట్టుకుంటోంది. అలాగే కేసీఆర్‌కు తెలంగాణ ఎంతిష్టమో నువ్వంటే అంత ఇష్టం అనే డైలాగ్ కు ట్రైలర్‌లో అదుర్స్ అనిపిస్తోంది. ఈ మూవీకి ప్రణీత్ బ్రమండపల్లి దర్శకత్వం వహిస్తుండగా నేహ సోలంకి(Neha solanki) హీరోయిన్‌గా చేస్తోంది. కాలభైరవ సంగీతం అందిస్తున్నారు.
