ప్రభుత్వ బడుల్లో చదివే విద్యార్థులకు తెలంగాణ (Telangana) సర్కార్ గుడ్ న్యూస్ చెప్పింది. పిల్లలకు బ్రేక్ ఫాస్ట్ (Breakfast) గా రాగి జావను అందించేందుకు సిద్ధమైంది. ప్రభుత్వ పాఠశాలల్లో విద్యార్థులకు అల్పహారంగా రాగిజావా (Ragijava) ఇవ్వనున్నట్లు విద్యాశాఖ మంత్రి సబితా ఇంద్రారెడ్డి (Sabita Indra Reddy) చెప్పారు. రాష్ట్ర అవతరణ దశాబ్ది ఉత్సవాల సందర్భంగా ఈ నెల 20న విద్యా దినోత్సవం రోజున కార్యక్రమాన్ని లాంఛనంగా ప్రారంభించనున్నట్లు మంత్రి వెల్లడించారు.ప్రతి రోజూ ప్రార్థనా సమయానికి ముందు విద్యార్థులకు 250 మిల్లీ లీటర్ల రాగిజావను అందించనున్నట్లు తెలిపారు.రాష్ట్రవ్యాప్తంగా 28,606 ప్రభుత్వ పాఠశాలల్లోని 25.26 లక్షల మంది విద్యార్థులకు ప్రయోజనంచేకూరుతుందని మంత్రి అన్నారు. సచివాలయం(Secretariat)లోని కార్యాలయంలో విద్యాశాఖ పనితీరుపై మంత్రి సమీక్షించారు. రాష్ట్రంలోని 1600 పాఠశాలల్లో నిర్మించిన 4,800 డిజిటల్ తరగతులను విద్యా దినోత్సవం ప్రారంభించించేందుకు ఏర్పాట్లు చేయాలని అధికారులను ఆదేశించారు. దశాబ్ది ఉత్సవాల సందర్భంగా 20న నిర్వహించే తెలంగాణ విద్యా దినోత్సవం రోజున రాష్ట్రవ్యాప్తంగా ఉన్న ప్రాథమిక పాఠశాల నుంచి యూనివర్సిటీ (University) స్థాయి వరకు సభలు, సమావేశాలను నిర్వహించి రాష్ట్రంలో విద్యారంగంలో సాధించిన విజయాలను వివరించాలని సూచించారు. 26లక్షల మంది విద్యార్థులకు రూ.150 కోట్లు వెచ్చించి ఒక్కో విద్యార్థికి రెండేసి జతల యూనిఫామ్‌ను అందిస్తున్నామని మంత్రి వివరించారు. ఈ సమావేశంలో విద్యాశాఖ కార్యదర్శి వాకాటి కరుణ, పాఠశాల విద్యా సంచాలకులు శ్రీదేవసేన తదితరులు పాల్గొన్నారు.
చదవండి : Nampally : హైదరాబాద్ లో రేపు ట్రాఫిక్ ఆంక్షలు
