ఏపీ(AP)లో ఓ ప్రేతాత్మకు ప్రభుత్వం పెన్షన్(Government Pension) ఇస్తోందన్న వార్త వెలుగులోకి వచ్చింది. 12 ఏళ్ల క్రితం మరణించిన వ్యక్తికి సర్కార్ ఇంకా పెన్షన్ ఇస్తూనే ఉంది. అయితే ఈ వార్త సోషల్ మీడియాలో వైరల్(viral) కావటంతో ప్రేతాత్మకు ప్రభుత్వం పెన్షన్(pension) ఇస్తోందంటూ నెటిజన్లు కామెంట్స్, సెటైర్లు వేస్తున్నారు. 2001లో చనిపోయిన తన తండ్రి పేరుపై ఓ కొడుకు ఇలా పెన్షన్ నొక్కేస్తున్నట్లు అధికారులు గుర్తించారు. అతనిపై చర్యలు తీసుకున్నారు.
చదవండి: Kurnool: రైతు పొలంలో దొరికిన వజ్రం.. రూ.2 కోట్లకు విక్రయం
ఉమ్మడి గుంటూరు జిల్లాలోని పల్నాడు ప్రాంతం క్రోసూరు మండలంలో ఈ ఘటన చోటుచేసుకుంది. దొడ్లేరు గ్రామానికి చెందిన శౌరయ్య(Sourayya) అనే వ్యక్తి తండ్రి కిరీటి(Kireeti). ఆయన పేరుపై కొడుకు 12 ఏళ్లుగా పింఛన్(Pension) నొక్కేస్తున్నాడు. 2001లో కిరీటి చనిపోయాడు. అయితే ఆ ఏడాదే నకిలీ డాక్యుమెంట్ల(Fake Documents)ను క్రియేట్ చేసిన శౌరయ్య తన తండ్రి బతికే ఉన్నాడని అధికారులను నమ్మించాడు. తన తండ్రి స్థానంలో మరో వ్యక్తిని చూపెట్టి పెన్షన్ తీసుకుంటున్నాడు.
చదవండి: Kakinada SEZలో ఎంఐపీ ఏర్పాటుపై అభిప్రాయ సేకరణ, వ్యతిరేకించిన గ్రామస్థులు
కిరిటీ(Kireeti) చనిపోయే నాటికి 70 ఏళ్లు కాగా గత 12 ఏళ్లుగా శౌరయ్య తన తండ్రి పెన్షన్(Pension) అందుకుంటూనే ఉన్నాడు. శౌరయ్య చేస్తున్న మోసం గురించి అదే గ్రామానికి చెందిన ఓ వ్యక్తి పల్నాడు కలెక్టరేట్‌లో ఫిర్యాదు చేశాడు. దీంతో అతని నిర్వాకం బయటపడింది. 12 ఏళ్లుగా శౌరయ్య(Sourayya) దాదాపు రూ.4 లక్షల పెన్షన్ ను అందుకున్నాడు. ప్రభుత్వ సొమ్మును కాజేసిన శౌరయ్యపై చర్యలు తీసుకోవాలని ఆ ఊరి గ్రామస్తుడు కలెక్టర్‌కు ఫిర్యాదు చేశాడు.
