Padi Kaushik Reddy: ‘సిగ్గు శరం లేదా.. రైతు బంధు తీసుకోవట్లే’.. రైతులపై నోరుపారేసుకున్న పాడి కౌశిక్ రెడ్డి

Padi Kaushik Reddy: ఎమ్మెల్సీ పాడి కౌశిక్ రెడ్డి(Padi Kaushik Reddy) మరోసారి రైతుల(Farmers)పై నోరు జారారు. గతంలో.. పెండింగ్ బిల్లులపై గవర్నర్ తమిళిసై సౌందరరాజన్(Governor Tamilisai Soundararajan) పై విమర్శలు గుప్పించిన పాడి కౌశిక్ రెడ్డి ఈసారి రైతు దినోత్సవ(Farmer’s Day) సభలో రైతులకు వ్యతిరేకంగా మాట్లాడారు. రైతు దినోత్సవం సందర్భంగా కరీంనగర్(Karimnagar) జిల్లా జమ్మికుంటలో ఏర్పాటు చేసిన కార్యక్రమానికి పాడి కౌశిక్ రెడ్డి ముఖ్య అతిథిగా హాజరయ్యారు. కార్యక్రమంలో భాగంగా పాడి కౌశిక్ రెడ్డి మాట్లాడుతూ ప్రభుత్వం రైతుల కోసం చేస్తున్న పనులు, పథకాల గురించి వివరించారు. ప్రసంగం ముగించే సమయంలో సభలో ఉన్న రైతులు.. రైతులకిస్తామన్న పంట నష్టపరిహారం, రుణమాఫీ గురించి నిలదీశారు.

చదవండి :Viral Video: లెహంగాలో డాన్స్ చేసిన పెళ్లి కుమార్తె

దీంతో ఆగ్రహించిన పాడి కౌశిక్ రెడ్డి రైతులపై అసహనం వ్యక్తం చేశారు. ఈ క్రమంలో అన్నదాతలపై.. ఆగ్రహంతో నోరు జారాడు. “సిగ్గు శరం లేదా.. రైతులకు రైతుబంధు(Rythu Bandhu) ఇస్తున్నాడు.. పెన్షన్లు ఇస్తున్నాడు.. ఇంకా సిగ్గు లేదా.. మాట్లాడుతున్నారు.” అంటూ అభ్యంతరకరంగా మాటలు వదిలేశాడు. కౌశిక్ రెడ్డి మాటలతో.. రైతులు కూడా మండిపడ్డారు. దీంతో సభలో గందరగోళ పరిస్థితి నెలకొంది. మిగిలిన నాయకులు కౌశిక్ రెడ్డిని బయటకు తీసుకెళ్లారు. కానీ.. కౌశిక్ రెడ్డిపై రైతులు ఆగ్రహం వెళ్లగక్కారు. రైతు దినోత్సవ సభలో రైతులను కించపరుస్తూ మాట్లాడడాన్ని రైతులు ఏ మేరకు సీరియస్ గా తీసుకుంటారో.. చూడాలి..!
చదవండి :Jr.NTR:మరో అమ్మాయితో భార్యకు అడ్డంగా దొరికిన ఎన్టీఆర్