తమిళంలో హిట్ గా నిలిచిన ‘వినోదయ సీతం’ చిత్రానికి రీమేక్ గా ఈ సినిమా తెరకెక్కించారు. పవన్ కళ్యాణ్, సాయి తేజ్ సినిమాకు ‘బ్రో’ అనే టైటిల్ ఫిక్స్ చేశారు. దీనికి సంబంధించిన ఫస్ట్ లుక్, మోషన్ పోస్టర్ కూడా రిలీజ్ చేసింది మూవీ యూనిట్. ఇక ఈ మోషన్ పోస్టర్ ను పరిశీలిస్తే పవర్ స్టార్ పవన్ కళ్యాణ్ మంచి స్టైలిష్ లుక్ లో కనిపించగా.. ఓవైపు టైం ట్రావెల్.. మరోవైపు పరమేశ్వరుడు దర్శనమివ్వడం కనిపిస్తుంది.
చదవండి: Kritishetty: బేబమ్మ ప్లాస్టిక్‌ సర్జరీ.. ఇదే క్లారిటీ!
ముఖ్యంగా మోషన్ పోస్టర్ మరింత ఎఫెక్ట్ ఇచ్చేలా తమన్ అందించిన మ్యూజిక్ అయితే మెగా అభిమానులకు పూనకాలు తెప్పించేలా ఉందని చెప్పవచ్చు. ప్రముఖ నటుడు, దర్శకుడు సముద్రఖని ‘బ్రో’ మూవీకి దర్శకత్వం వహిస్తుండగా.. ఈ చిత్రాన్ని పీపుల్స్ మీడియా ఫ్యాక్టరీ, జీ స్టూడియోస్ సంయుక్తంగా తెరకెక్కిస్తున్నాయి. కాగా ఈ మూవీకి టీజీ విశ్వప్రసాద్ నిర్మాతగా వ్యవహరిస్తున్నారు. ప్రపంచవ్యాప్తంగా ఈ చిత్రాన్ని జూలై 28న ప్రేక్షకుల ముందుకు తీసుకురాన్నారు.
