మహేష్ బాబుని చూస్తే.. ఎవ్వరికైనా మతి పోవాల్సిందే. ఇక అమ్మాయిలకైతే మహేష్ కలల రాజకుమారుడు. ఫస్ట్ సినిమాతోనే రాజకుమారుడిగా ఎంట్రీ ఇచ్చిన మహేష్.. ఇప్పటికీ అలాగే ఉన్నాడు. అసలు మహేష్ గ్లామర్ మెయింటెన్స్ ఏంటనేది.. అంతు పట్టని విషయమే.
ఇండియాలోనే మోస్ట్‌ హ్యాండ్సమ్‌ హీరోలలో మహేష్ బాబు ఫస్ట్ ప్లేస్‌లో ఉంటాడు. వయసుతో పాటు మహేష్ గ్లామర్ కూడా రోజు రోజుకి పెరుగుతున్నట్టే ఉంది. ప్రస్తుతం మహేష్ ఏజ్‌ 47 ఏళ్లు.. అయినా పాతికేళ్ల కుర్రాడిలా కనిపించడం సూపర్ స్టార్ స్టైల్.
అంతెందుకు.. మహేష్ కొడుకు గౌతమ్‌ పక్కన నిలబెడితే.. ఇద్దరు అన్నదమ్ముల్లా కనిపిస్తారు. అందుకు ఎగ్జాంపులే లేటెస్ట్ ఫోటోలని చెప్పొచ్చు. తాజాగా మహేష్ షేర్ చేసిన ఫోటోలు సోషల్‌ మీడియాని షేక్ చేస్తున్నాయి. ఒట్టో బ్రాండ్‌ షర్ట్స్‌ యాడ్‌ కోసం మహేష్ ఫోటో షూట్ చేశాడు.
దానికి సంబంధిన ఫోటోలను షోషల్ మీడియాలో షేర్ చేశాడు. అందులో మహేశ్‌ లుక్ చూసి ఫిదా అవుతున్నారు అభిమానులు. సినిమాల్లో కంటే మరింత హ్యాండ్సమ్‌గా కనిపిస్తున్నాడు సూపర్ స్టార్. దీంతో ఘట్టమనేని ఫ్యాన్స్.. ఏం ఉన్నాడ్రా బాబు, అంటూ ఆ ఫోటోలను తెగ షేర్ చేస్తున్నారు. హాలీవుడ్ హీరోలా ఉన్నాడు.. ఇది హాలీవుడ్ కటౌట్ అంటూ మురిసిపోతున్నారు.
అంతేకాదు.. నెక్స్ట్ రాజమౌళి సినిమాతో మహేష్ హాలీవుడ్‌ను షేక్ చేయడం ఖాయమంటున్నారు. ప్రస్తుతం తివిక్రమ్‌ దర్శకత్వంలో ఎస్ఎస్ఎంబీ 28 ప్రాజెక్ట్ చేస్తున్నాడు మహేష్. ఈ సినిమా అయిపోయిన వెంటనే.. రాజమౌళితో చేతులు కలపనున్నాడు. ఈ ఏడాదిలోనే మహేష్, రాజమౌళి ప్రాజెక్ట్ స్టార్ట్ కానుంది. ఏదేమైనా.. లేటెస్ట్ మహేష్ ఫోటో షూట్ మాత్రం మామూలుగా లేదనే చెప్పాలి.
