Godfather Movie is Planning Grand in Bollywood
ప్రస్తుతం రిలీజ్‌కు రెడీగా ఉన్న సినిమాల్లో ‘గాడ్ ఫాదర్’ భారీ హైప్ క్రియేట్ చేస్తోంది. పైగా ఈసారి దసరా వార్ చిరు వర్సెస్ నాగ్‌గా ఉండడం ఆసక్తికరంగా మారింది. ఇప్పటికే ‘ది ఘోస్ట్’ ప్రీ రిలీజ్ ఈవెంట్‌తో సందడి మొదలుపెట్టేశాడు నాగార్జున. ఇక చిరు ఒకే ఒక్క పొలిటికల్ డైలాగ్‌తో రచ్చ రచ్చ చేశారు. అలాగే ప్రీ రిలీజ్ ఈవెంట్‌తో ఫ్యాన్స్‌లో మరింత జోష్ నింపేందుకు వస్తున్నారు. మోహన్ రాజా దర్శకత్వంలో తెరకెక్కిన ‘గాడ్ ఫాదర్’.. మళయాళ హిట్ సినిమా ‘లూసిఫర్’ రీమేక్‌గా తెరకెక్కింది. పొలిటికల్ బ్యాక్ డ్రాప్‌లో రూపొందిన ఈ సినిమా.. అక్టోబర్ 5న ఆడియన్స్ ముందుకు రానుంది. ఈ క్రమంలో 28, సాయంత్రం 6 గంటలకు అనంతపురంలో గ్రాండ్‌గా ప్రీ రిలీజ్ ఈవెంట్ జరుపనున్నారు.
ఇప్పటికే ఈ మెగా వేడుకలకు భారీ ఎత్తున ఏర్పాట్లు జరుగుతున్నాయి. ఈ ఈవెంట్‌కు పవర్ స్టార్ పవన్ కళ్యాణ్ గెస్ట్‌గా వస్తారని ప్రచారం జరుగుతోంది. కానీ ఇప్పటి వరకు మేకర్స్ నుంచి అధికారిక ప్రకటన రాలేదు. ఇక తెలుగులో ఈ ఈవెంట్ అయిపోగానే ముంబైకి వెళ్లనున్నాడు మెగాస్టార్. ‘గాడ్ ఫాదర్’ చిత్రంలో సల్మాన్ ఖాన్ కీలక పాత్రలో నటించిన సంగతి తెలిసిందే. అందుకే హిందీలోను ఈ చిత్రాన్ని రిలీజ్ చేస్తున్నారు. ఈ నేపథ్యంలో ముంబైలో కూడా మెగా ఈవెంట్ నిర్వహించడానికి సన్నాహాలు చేస్తున్నారట. ఈనెల 30 లేదా 31న ముంబైలో ‘గాడ్ ఫాదర్’ ఈవెంట్ ఉండే ఛాన్స్ ఉందంటున్నారు. మొత్తంగా తెలుగు టు హిందీ వరకు.. ‘గాడ్ ఫాదర్’ ప్రమోషన్స్‌ను పరుగులు పెట్టిస్తున్నారు మెగాస్టార్.
