Airplane stuck under a bridge in Bihar.. People flew for selfies
Airplane stuck: విమానం(Airplane) కాస్త తక్కువ ఎత్తులో వెళ్తేనే జనాలు మంత్రముగ్దులై చూస్తూ ఉండిపోతారు.. అలాంటిది ఏకంగా రోడ్డుపై వస్తే ఎలా ఉంటుంది. భారీగా ప్రజలు గుమిగూడి, ట్రాఫిక్ నిలిచిపోయి, గోలగోల చేస్తారు. తాజాగా ఇలాంటి సంఘటన ఒకటి బీహార్‌లో చోటుచేసుకుంది. ఎయిర్ ఇండియాకు చెందిన ఓ పాత విమానాన్ని ముంబై(Mumbai) తరలిస్తుండగా బ్రిడ్జి కింద ఇరుక్కుపోయింది. ట్రక్కు నడిరోడ్డుపై ఆగింది. దానిపై విమానం ఉండడంతో జనాలు పెద్ద ఎత్తున గుమిగూడారు. సెల్ఫీల కోసం ఎగబడ్డారు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.
చదవండి:ISRO: 50 శాటిలైట్లను ప్రయోగించనున్న ఇస్రో
అస్సాం నుంచి ట్రక్కుపై పాత విమానాన్ని తరలిస్తుండగా బీహార్(Bihar) లోని మోతిహారి(Motihari) ప్రాంతంలో ఓ బ్రిడ్జి కింద చిక్కుకుపోయింది. బ్రిడ్జి కాస్త చిన్నగా ఉండడంతో డ్రైవర్ అంచనా వేయలేకపోయాడు. దాంతో సగం వరకు వెళ్లీ మధ్యలో ఇరుక్కుంది. ట్రక్కు ముందుకు వెళ్లడం సాధ్యం కాలేదు. వెనక్కి రావడానికి కూడా వీలు పడలేదు. రోడ్డుపై ప్రయాణికులు తమ వాహనాలను పక్కనపెట్టి సెల్ఫీలకోసం ఎగబడ్డారు. ఫలితంగా భారీగా ట్రాఫిక్ నిలిచిపోయింది. చాలా సమయం తరువాత విమానం ఉన్న ట్రక్కు టైర్లలో గాలిని తగ్గించారు అధికారులు. ఎత్తు కాస్త తగ్గడంతో ట్రక్కు ముందుకు కదిలింది. తరువాత టైర్లలో గాలిని నింపారు. అక్కడినుంచి ట్రక్కు కదిలింది.
చదవండి:Karnataka : కన్నడలో సైన్‌బోర్డ్ డిమాండ్‌పై ఆందోళన తీవ్రతరం.. బెంగళూరు బంద్కు అల్టిమేటం
बिहार के मोतिहारी में उस वक्त अफरा-तफरी का माहौल हो गया, जब एक हवाई जहाज पिपराकोठी ओवर ब्रिज में फंस गया.#Bihar #Motihari #PlaneStuckInBiharOverbridge | #ATDigital pic.twitter.com/WCWoyS5RmQ
— AajTak (@aajtak) December 29, 2023
