రైలులో ప్రయాణించిన ఓ మహిళ తనతో పాటు మేకను కూడా తీసుకెళ్లింది. మేక కూడా రైలులో ప్రయాణం చేయడానికి ఆమె టికెట్‌ను కొనుగోలు చేసింది. టీసీ రాగానే ఆమె మేక కోసం కొన్న టికెట్ చూపించడంతో ఆయన ఆశ్చర్యపోయాడు. ఆ మహిళ నిజాయితీకి ఆయన ఫిదా అయిపోయాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఈ సంఘటన పశ్చిమ బెంగాల్‌లో చోటుచేసుకుంది.
మేక కోసం టికెట్ కొన్న వృద్ధురాలి వీడియో:
Got this video in WA
This lady is taking her goat in the train..and she bought a ticket for the goat.
Look at her pride in her own honesty when she replies to the ticket collecting officer pic.twitter.com/2Du1Gq8a6o— D Prasanth Nair (@DPrasanthNair) September 5, 2023
ఓ వృద్ధురాలు తన భర్తతోపాటు మేకను కూడా తీసుకుని రైలులో బయల్దేరింది. టికెట్ తనిఖీ చేసే రైల్వే అధికారి ఆ మహిళ వద్దకు రాగానే ఆమె తన టికెట్లను చూపించింది. మేక కోసం టికెట్ కొన్నావా అంటూ టీసీ ప్రశ్నించాడు. ఆమె నవ్వుతూ తన మేక కోసం కూడా టికెట్ కొన్నట్లు చెప్పింది. టికెట్లో తన భర్తతో పాటుగా మేక ప్రయాణానికి సంబంధించిన వివరాలు ఉండటంతో టీసీ ఆశ్చర్యపోయాడు. వృద్ధురాలిని అందరి ముందు ప్రశంసించాడు.
ఈ వీడియో సోషల్ మీడియాలో వైరల్ అవుతోంది. ఈ వీడియో గ్రెటెస్ట్‌ ఆఫ్‌ ఆల్‌ టైమ్‌ (GOAT) అని నెటిజన్లు కామెంట్స్ చేస్తున్నారు. ఆ మహిళకు తన మేక కేవలం ఒక జంతువు మాత్రమే కాదని, ఆమె కుటుంబంలో భాగమని ఇంకొందరు కామెంట్స్ చేశారు. ఆ వృద్ధురాలి నుంచి అందరూ ఎంతో నేర్చుకోవాలని మరొకరు అన్నారు. నిజాయతీగా ఉండే ఇలాంటి భారతీయులు ఎందరికో గర్వకారణమని మరికొందరు పోస్ట్ చేశారు.
