Sangareddy : సంగారెడ్డిలో పోలీసులు భారీగా గంజాయిని స్వాధీనం చేసుకున్నారు. సుమారు 635 కిలోల గంజాయిని స్వాధీనం చేసుకున్నారు. రెండు వాహనాల్లో ముగ్గురు వ్యక్తులను పోలీసులు పట్టుకున్నారు. దీనిపై జిల్లా ఎస్పీ చెన్నూరి రూపేష్ మాట్లాడుతూ సంగారెడ్డి రూరల్ పోలీస్ స్టేషన్ పరిధిలో వాహనాల తనిఖీలు నిర్వహించామన్నారు. ఈ తనిఖీల్లో 635 కిలోల గంజాయిని స్వాధీనం చేసుకున్నారు. రెండు బొలెరో వాహనాలను స్వాధీనం చేసుకున్నట్లు తెలిపారు. ఇద్దరు డ్రైవర్లు, క్లీనర్లను అదుపులోకి తీసుకున్నట్లు సమాచారం.
చదవండి: ISRO: ఆదిత్య ఎల్1పై కీలక అప్‌డేట్..చివరి దశకు మిషన్
ముగ్గురు నిందితులు మహారాష్ట్రకు చెందిన వారిగా గుర్తించారు. వారి యజమానులు హనుమాన్ మోహిత్, సమీర్ గవాండేల ఆదేశాల మేరకు ఒడిశాలోని జన్ భాయ్ ఏజెన్సీ ప్రాంతంలో త్రినాథ్ అనే వ్యక్తి నుంచి గంజాయిని కొనుగోలు చేసి తెలంగాణ మీదుగా మహారాష్ట్రకు తరలిస్తున్నట్లు విచారణలో తేలింది. మరోవైపు నవంబర్ 30న జరగనున్న అసెంబ్లీ ఎన్నికలను దృష్టిలో ఉంచుకుని ఎలాంటి అవాంఛనీయ సంఘటనలు జరగకుండా కట్టుదిట్టమైన చర్యలు తీసుకుంటున్నట్లు ఎస్పీ వివరించారు.
చదవండి:JD Lakshminarayana: బర్రెలక్క తరఫున కొల్లాపూర్‌లో జేడీ లక్ష్మీనారాయణ ప్రచారం
