KMR: బాన్సువాడలోని పలు గ్రామాల్లో హోలీ వేడుకల సందర్భంగా నిర్వహించిన ‘జడకొప్పు’ కోలాటం చూపరులను విశేషంగా ఆకట్టుకుంది. గ్రామ చావిడిల వద్ద యువకులు ఉత్సాహంగా ఈ కోలాటం ఆడారు. ఏటా ఆనవాయితీగా హోలీ రోజున జడకొప్పు వేసి, తిరిగి ఉగాది పండుగ నాడు కోలాటం ఆడుతూ దీనిని విప్పుతారని గ్రామ పెద్దలు తెలిపారు. మన సంస్కృతిని ప్రతిబింబించేలా పల్లెల్లో పండుగ వాతావరణం ఏర్పడింది.
