వన్డే వరల్డ్ కప్ తర్వాత ఇప్పుడు టీ20 వరల్డ్ కప్ 2024 (T20 World Cup 2024) కోసం ఐసీసీ (ICC) కీలక ప్రకటన చేసింది. వచ్చే ఏడాది జూన్‌లో ఈ మెగా టోర్నీని నిర్వహించేందుకు ఐసీసీ ప్రణాళిక వేసింది. ఈ మెగా టోర్నీకి యూఎస్, వెస్టిండీస్ జట్టు ఆతిథ్యం ఇవ్వనున్నాయి. ఇప్పటికే దీనికి సంబంధించి ఏర్పాట్లు సాగుతున్నాయి. 2022 టీ20 వలర్డ్ కప్‌లో మొత్తం 16 జట్లు పోటీ పడ్డాయి. అయితే ఈసారి మాత్రం 20 జట్లు బరిలో తలపడనున్నట్లు ఐసీసీ ప్రకటించింది.
చదవండి: Rohitను బుజ్జగిస్తోన్న బీసీసీఐ.. ఎందుకంటే..?
టోర్నీలో పాల్గొనేందుకు ఐసీసీ 12 జట్లకు నేరుగా అర్హత కల్పించినట్లు తెలిపింది. గత టీ20 వరల్డ్ కప్‌లో టాప్8లో నిలిచిన జట్లను ఎంపిక చేసింది. ఆస్ట్రేలియా, ఇంగ్లాండ్, భార‌త్‌, పాకిస్తాన్, న్యూజిలాండ్‌, శ్రీలంక, ద‌క్షిణాఫ్రికా, నెద‌ర్లాండ్స్ జ‌ట్ల‌ల‌తో పాటుగా వరల్డ్ కప్ టోర్నీకి ఆతిథ్యం ఇవ్వనున్న యూఎస్, వెస్టిండీస్ జట్లకు కూడా నేరుగా పాల్గొనే అవకాశం కల్పించింది. దీంతో మొత్తం 10 జట్లు నేరుగా టీ20 వరల్డ్ కప్ టోర్నీలో ఆడేందుకు అర్హత పొందాయి.
Presenting the 2⃣0⃣ teams that will battle for ICC Men's #T20WorldCup 2024 🏆
✍: https://t.co/9E00AzjcRN pic.twitter.com/1nu50LOLWQ
— ICC (@ICC) November 30, 2023
అలాగే టీ20 ర్యాంకింగ్స్‌ (T20 Rankings)లో తొమ్మిది, ప‌ది స్థానాల్లో నిలిచిన అఫ్గానిస్థాన్, బంగ్లాదేశ్‌లు జట్లను కూడా టోర్నీలోకి ఆహ్వానించింది. ఇకపోతే మిగిలిన 8 స్థానాలకు మాత్రం క్వాలిఫయింగ్ పోటీలను (Qualifying competition) ఐసీసీ నిర్వహించనున్నట్లు తెలిపింది. కెనడా, నేపాల్, ఒమన్, న్యూ గినియా, ఐర్లాండ్, స్కాట్లాండ్, ఉగాండ, నబీబియా జట్లు టీ20 ప్రపంచకప్‌కు అర్హతను పొందాయి.
చదవండి: White Ball Seriesకు విరాట్ కోహ్లీ దూరం
టీ20 ప్ర‌పంచ‌క‌ప్‌లో పాల్గొనే 20 జట్లు ఇవే:
ఆస్ట్రేలియా, ఇంగ్లాండ్, భార‌త్‌, పాకిస్తాన్, న్యూజిలాండ్‌, శ్రీలంక, ద‌క్షిణాఫ్రికా, నెద‌ర్లాండ్స్, యూఎస్, వెస్టిండీస్, అఫ్గానిస్థాన్ , బంగ్లాదేశ్‌, కెనడా, నేపాల్, ఒమన్, ప‌పువా న్యూ గినియా, ఐర్లాండ్, స్కాంట్లాండ్‌, ఉగాండ, నబీబియా
