టాలెంటెడ్ డైరెక్టర్ ప్ర‌శాంత్ నీల్ తెరకెక్కించిన కెజియఫ్2.. క‌లెక్ష‌న్స్ ప‌రంగా పలు రికార్డుల‌ను తిర‌గ‌రాసింది. బాక్సాఫీస్ వ‌ద్ద దాదాపు 1200 కోట్ల‌కుపైగా వసూళ్లను రాబ‌ట్టింది. దాంతో కన్నడ హీరో యశ్(yash).. పాన్ ఇండియ స్టార్ డమ్ అందుకున్నాడు. ఈ క్రమంలో య‌శ్‌తో సినిమాలు చేసేందుకు బడా బడా నిర్మాణ సంస్థలు గట్టిగా ట్రై చేస్తున్నాయి. ముఖ్యంగా ప‌లువురు బాలీవుడ్ మేకర్స్‌ యశ్ కోసం ట్రై చేస్తున్నారు. కానీ కేజీఎఫ్-2 వచ్చి నెలలు గడుస్తున్నా.. ఇప్పటి వరకు నెక్ట్స్ ప్రాజెక్ట్ అనౌన్స్ చేయలేదు యశ్.
మధ్యలో కన్నడ దర్శకుడు నార్త‌న్‌, స్టార్ డైరెక్టర్ శంకర్‌తో సినిమాలు చేయబోతున్నాడని వార్తలొచ్చాయి. కానీ అఫిషీయల్ అనౌన్స్మెంట్ మాత్రం రాలేదు. కెజియఫ్‌కు మించి నెక్ట్స్ ప్రాజెక్ట్ చేయాలని చూస్తున్నాడు యష్. అందుకే ఇంత సమయం తీసుకుంటున్నాడు. అంతేకాదు బాలీవుడ్ భారీ ఆఫర్స్‌ని సైతం రిజెక్ట్ చేసినట్టు తెలుస్తోంది. ఇటీవల వచ్చిన బ్రహ్మాస్త్ర సీక్వెల్ కోసం.. ప్రముఖ నిర్మాత కరణ్ జోహార్.. అందులోని దేవ్ క్యారెక్టర్ కోసం యశ్‌ని సంప్రదించాడట.
కానీ యశ్ మాత్రం ఈ ఆఫర్‌కు నో చెప్పినట్లు ప్రచారం జరుగుతోంది. అంతేకాదు బాలీవుడ్ డైరెక్టర్ రాకేశ్ ఓం ప్రకాశ్ మెహ్రా ‘కర్ణ’ ప్రాజెక్ట్‌ను కూడా రిజెక్ట్ చేసినట్టు టాక్. ఈ సినిమా కూడా రెండు భాగాలుగా రానుంది. ఇక బ్రహ్మాస్త్ర పార్ట్ 2తో పాటు పార్ట్ 3 కూడా రానుంది. అయినా యష్ ఈ భారీ సీక్వెల్స్‌ను రిజెక్ట్ చేయడం విశేషం. ఈ లెక్కన చూస్తే.. యష్ తదుపరి చిత్రం గట్టిగానే ప్లాన్ చేస్తున్నాడని చెప్పొచ్చు.
ఇది కూడా చూడండి: ట్విట్టర్ సీఈవో(parag agrawal) సహా పలువురి తొలగించిన ఎలన్ మస్క్(elon musk)!
