G20 Summit: న్యూఢిల్లీలో జరగనున్న జి-20 సదస్సుకు విదేశీ అతిథులు భారత్‌కు వచ్చే ప్రక్రియ ప్రారంభమైంది. అమెరికా అధ్యక్షుడు జో బిడెన్ రేపు శుక్రవారం సాయంత్రం ఢిల్లీకి చేరుకోనున్నారు. అక్కడ ఆయనకు కేంద్ర మంత్రి జనరల్ వీకే సింగ్ స్వాగతం పలుకుతారు. ఎయిర్ ఫోర్స్ వన్ విమానంలో బిడెన్ ఢిల్లీ చేరుకుంటారు. ఎయిర్ ఫోర్స్ వన్‌తో పాటు, రెండో ఎయిర్‌క్రాఫ్ట్ బ్యాకప్ ప్లేన్ కూడా ఉంటుంది. దీనిని అత్యవసర పరిస్థితుల్లో ఉపయోగించవచ్చు. ఎయిర్ ఫోర్స్ వన్‌ను మినీ పెంటగాన్ అని కూడా పిలుస్తారు. దీనిలో అన్ని భద్రతా పరికరాలు ఏర్పాటు చేయబడ్డాయి. ఎయిర్ ఫోర్స్ వన్ అన్ని రకాల దాడులను నివారించగలదు.
విమానం నుండి ఢిల్లీలో దిగిన తర్వాత అమెరికా అధ్యక్షుడు బిడెన్ తన బీస్ట్ వాహనంలో ప్రయాణిస్తారు. అతనితో పాటు దాదాపు 50 వాహనాలతో కూడిన భద్రతా వలయం ఉంటుంది. అణు దాడిని కూడా అడ్డుకోగల సత్తా బీస్ట్ వాహనానికి ఉంది. ఈ కారు రసాయన, అణు దాడులను తట్టుకోగలదు. కారులో 8 అంగుళాల మందం గల తలుపులు, పానిక్ బటన్, ప్రత్యేక ఆక్సిజన్ సరఫరా, కారులో శాటిలైట్ ఫోన్ ఉన్నాయి. ఇది ఎల్లప్పుడూ పెంటగాన్‌కు కనెక్ట్ చేయబడి ఉంటుంది. బీస్ట్ టైర్లు ఉండే రిమ్స్ ప్రత్యేకమైన స్టీల్‌ను కలిగి ఉంటాయి. దీని టైర్లు పంక్చర్ అవ్వవు. ఇంధన ట్యాంక్‌లో ప్రత్యేకమైన నురుగు ఉంటుంది. అమెరికా అధ్యక్షుడు బిడెన్ కాన్వాయ్‌లో 50 సెక్యూరిటీ వాహనాలు ఉంటాయి. అమెరికా ఇంటెలిజెన్స్ అండ్ సెక్యూరిటీ సర్వీస్ ఫెడరల్ బ్యూరో ఆఫ్ ఇన్వెస్టిగేషన్ (ఎఫ్‌బిఐ)తో పాటు ఫారిన్ ఇంటెలిజెన్స్ సర్వీస్ సెంట్రల్ ఇంటెలిజెన్స్ ఏజెన్సీ (సిఐఎ) కమాండోలను భద్రత కోసం మోహరిస్తారు.
చదవండి:Bengal శాసన సభ్యుల నెల శాలరీ రూ.40వేలు పెంపు..సీఎం మమతా ప్రకటన
బిడెన్ ఎయిర్ ఫోర్స్ వన్ విమానంలో భారతదేశానికి వస్తారు. ఆయన భారత్ రాకముందే అమెరికా సీక్రెట్ సర్వీస్, వైట్ హౌస్ సిబ్బంది ఢిల్లీకి చేరుకున్నారు. అమెరికన్ ప్రెసిడెంట్ సందర్శన సమయంలో, రెండు ఎయిర్ ఫోర్స్-వన్లు పనిచేస్తాయి. అందులో ఒకటి అధ్యక్షుడు, మరొకటి రహస్యంగా ఉంచబడుతుంది. తద్వారా ఏదైనా సమస్య వచ్చినప్పుడు దీనిని ఉపయోగించవచ్చు. ఎయిర్ ఫోర్స్-వన్ ప్రత్యేకంగా సిద్ధం చేసినట్లు వైట్ హౌస్ వెబ్‌సైట్ తెలిపింది. అధ్యక్షుడు బిడెన్ ప్రయాణించే విమానం బోయింగ్ 747-200B సిరీస్ విమానం. ఈ విమానంలో ఆసుపత్రి, కార్యాలయం కాకుండా, సూట్, వంటగది సహా అనేక ఆధునిక సౌకర్యాలు ఉన్నాయి.
ఇది మాత్రమే కాదు, విమానంలో మూడు అంతస్తులు ఉన్నాయి. దీని విస్తీర్ణం దాదాపు 4 వేల చదరపు అడుగుల, దీనిలో 100 మంది ప్రయాణించవచ్చు. ఆసుపత్రి రూపంలో విమానంలో కొంత భాగం ఉంది. ఇందులో వైద్యుల బృందం ఉంది. విమానంలో అధ్యక్ష కార్యాలయం ఉంటుంది. ఇతర వ్యక్తులకు కూడా విశ్రాంతి తీసుకోవడానికి ఒక సూట్ ఉంది. ఈ విమానం భూమిపైకి కూడా దిగకుండా ఒక్కసారిగా 12 వేల కిలోమీటర్ల దూరం ఆగకుండా ప్రయాణించగలదు.
చదవండి:Nalgonda Suicide: నల్గొండలో దారుణం..ప్రాణాలు తీసిన మార్ఫింగ్‌ ఫొటోలు!
