మునుగోడు(munugode) ఎన్నికలకు సర్వం సిద్ధమైంది. వచ్చే నెల 5వ తేదీన ఈ ఎన్నిక జరగనుంది. కాగా.. ఈ ఎన్నికల్లో తామే కచ్చితంగా గెలుస్తుందని బీజేపీ నేత బండి సంజయ్(Bandi Sanjay) ధీమా వ్యక్తం చేశారు. ఇటీవల టీఆర్ఎస్ కి చెందిన బూర నర్సయ్య గౌడ్… ఆ పార్టీని వీడి బీజేపీలో చేరారు. దీంతో… టీఆర్ఎస్ నేతలు బూర నర్సయ్య గౌడ పై విమర్శలు వ్యక్తం చేస్తున్నారు. ఈ క్రమంలో… ఆయనకు బండి సంజయ్ మద్దతుగా నిలిచారు.
బూర నర్సయ్య గౌడ్ రాజకీయ స్వలాభం కోసం టీఆర్ఎస్ నుండి బిజెపి లోకి రావడం లేదని తెలంగాణ బీజేపీ చీఫ్ బండి సంజయ్ అన్నారు. టీఆర్ఎస్ పార్టీ తెలంగాణ ద్రోహుల పార్టీగా మారిందని విమర్శించారు. తెలంగాణ ఉద్యమ కారులంతా బీజేపీలోకి వస్తున్నారని సంతోషం వ్యక్తం చేశారు. గతంలో తెలంగాణ వద్దు అన్న వాళ్లను కేసీఆర్ సంకలో పెట్టుకుని తిరుగుతున్నాడని బండి సంజయ్ దుయ్యబట్టారు. మునుగోడు ప్రజలు టీఆర్ఎస్ పార్టీకి బుద్ధి చెబుతారని, బీజేపీ గెలుపు తథ్యమని ధీమా వ్యక్తం చేశారు.
మరోవైపు మునుగోడులో ప్రచారానికి వెళ్లిన బీజేపీ నేతలపై ప్రజలు విమర్శలు గుప్పిస్తున్నారు. కోమటిరెడ్డి రాజగోపాల్ సతీమణి లక్ష్మి, సీనియర్ నాయకురాలు డీకే అరుణలకు ప్రచారం చేస్తున్న సమయంలో స్థానికులు గో బ్యాక్ , గోబ్యాక్ అంటూ నినాదాలు చేయడం గమనార్హం.
ఇది కూడా చూడండి: మళ్లీ ఎన్నికలపై దృష్టి పెట్టిన జేపీ(jayaprakash narayan)…!
