Union Minister Nisith Pramanik's convoy attacked by Trinamool supporters in Bengal
Union Minister convoy attacked:కేంద్ర సహాయ మంత్రి నిశిత్ ప్రమాణిక్ (Nisith Pramanik) పశ్చిమ బెంగాల్ పర్యటనలో చేదు అనుభవం ఎదురయ్యింది. ఆయన కాన్వాయ్‌పై సొంత నియోజకవర్గంలోనే దాడి జరిగింది. పశ్చిమ బెంగాల్ లోని కూచ్ బెహర్ దుండగులు రాళ్లు రువ్వారు. స్థానిక బీజేపీ ఆఫీసుక వెళ్తుండగా ఈ ఘటన జరిగింది. గుంపును చెదరగొట్టేందుకు పోలీసులు టియర్ గ్యాస్ ప్రయోగించారు. ప్రత్యర్థులపై కర్రలు పట్టుకుని బీజేపీ కార్యకర్తలు వెళ్తుండగా.. పోలీసులు అడ్డుకున్నారు.
తన కాన్వాయ్‌పై త‌ృణముల్ కాంగ్రెస్ పార్టీ కార్యకర్తలు దాడి చేశారని నిశిత్ ప్రమాణిక్ (Nisith Pramanik) ఆరోపించారు. మంత్రికే రక్షణ లేదంటే.. ఇక సామాన్యుల పరిస్థితి ఏంటో ఊహించుకోవాలని అడిగారు. పశ్చిమ బెంగాల్‌లో ప్రజాస్వామ్యం పరిస్థితి ఏంటో ఈ ఘటన ద్వారా తెలిసిపోయిందని విమర్శించారు.
దాడిలో కారు అద్దం క్రాక్ వచ్చింది. బీజేపీ కార్యకర్తల రాకతో అక్కడ ఉద్రిక్త పరిస్థితి నెలకొంది. వారు పోలీసులకు వ్యతిరేకంగా జై శ్రీరాం అని నినాదించారు. తనపై దాడి చేసింది టీఎంసీ అని ప్రమాణిక్ ఆరోపించారు. కేంద్రమంత్రిపైనే దాడి జరిగితే ఇక సామాన్యుల పరిస్థితి ఏంటీ అని అడిగారు. బెంగాల్‌లో శాంతికి విఘాతం కలిగించింది బీజేపీ (bjp) అని టీఎంసీ అంటోంది. దిలీప్ ఘోష్, సువెందు అధికారి.. ఇతర నేతల వల్ల పరిస్థితి ఇలా మారిందన్నారు. ఇక్కడ పనులు జరగడం లేదని, నిధులు కేటాయించడం లేదని మరో టీఎంసీ నేత అన్నారు. కార్యకర్తలకు కోపం వచ్చి దాడి చేశారని వివరించారు.
#WATCH | West Bengal: The convoy of Nisith Pramanik, MoS Home & Youth Affairs and Sports was attacked allegedly by Trinamool Congress-backed goons when he was going to meet with the party workers in Coochbehar's Dinhata area. More details awaited. pic.twitter.com/eXWqt7U2K9
— ANI (@ANI) February 25, 2023
కూచ్ బెహర్ నుంచి ఎంపీగా ప్రమాణిక్ (Nisith Pramanik) ఎన్నికయ్యారు. ప్రస్తుతం కేంద్ర హోం శాఖ సహాయ మంత్రిగా ఉన్నారు. సరిహద్దు భద్రతా దళం (బీఎస్ఎఫ్).. కేంద్ర హోం శాఖ పరిధిలో ఉంటుంది. ఇటీవల బీఎస్ఎఫ్ జరిపిన కాల్పుల్లో గిరిజనుడు చనిపోవడంపై కేంద్ర మంత్రి ప్రమాణిక్‌పై (Nisith Pramanik) ప్రజలు కోపంతో ఉన్నారట. ఈ క్రమంలో దాడి జరిగినట్టు తెలుస్తోంది.
